સચીન GIDCની તમામ 11 K.V L.T & H.T ઓવર હેડ વિજ લાઈનોને અન્ડર ગ્રાઉન્ડ કેબલ નેટવર્કમાં રૂપાંતર કરવાના પ્રોજેક્ટને રાજ્ય સરકારના આસીસ્ટન્ટ ટુ ઇન્ડસ્ટ્રીયલ ઇન્ફ્રાસ્ટ્રકચર (AII) સ્કીમ હેઠળ રાજ્ય સરકારની આઈ.એમ. બ્રાંચ ઉદ્યોગ કમિશ્નરની કચેરી તરફથી મંજુરી મળેલી છે. જે અંગે સચીન ઇન્ડસ્ટ્રીયલ કો-ઓપરેટીવ સોસાયટી લીમીટેડના સભ્યો દ્વારા એક પત્રકાર પરિષદનું આયોજન કરવામાં આવ્યું હતું.


સચીન ઇન્ડસ્ટ્રીયલ કો-ઓપરેટીવ સોસાયટી લીમીટેડના સ્રેક્રેટરી મયુર ગોળવાળાએ જણાવ્યું હતું કે આ પ્રોજેક્ટનો ફાયદો સચીન GIDCના 3110 L.T ઇન્ડસ્ટ્રીયલ યુનીટ અને 175 H.T યુનીટને થશે. આ યુનીટોનો વીજ વપરાશ 71240 K.V.A છે. તો અન્ડર ગ્રાઉન્ડ કેબલ નેટવર્ક પ્રોજેક્ટનાં કારણે સચીન ઇન્ડસ્ટ્રીના તમામ યુનીટને ક્વોલીટ પાવર સપ્લાય મળશે.

સચીન GIDCમાં થતા અન્ડર ગ્રાઉન્ડ કેબલ નેટવર્કના પ્રોજેક્ટના ખર્ચની વાત કરવામાં આવેતો સચીન GIDCના 3 સબસ્ટેશનના કેબલને અન્ડર ગ્રાઉન્ડ કરવાનો કુલ ખર્ચ આશરે 45 કરોડની આસપાસ થશે. જે ખર્ચને ૩ ભાગોમાં વહેચવામાં આવશે. જેમાં 'A' સબસ્ટેશનમાં 1972.70 લાખ 'B' સબસ્ટેશનમાં 1802.55 લાખ અને 'C' સબસ્ટેશનમાં 682.65 લાખ ખર્ચ થશે. આમ 45 કરોડ માંથી 25 કરોડ રાજ્ય સરકારના આસીસ્ટન્ટ ટુ ઇન્ડસ્ટ્રીયલ ઇન્ફ્રાસ્ટકચર (AII) સ્કીમ હેઠળ ફંડ મળશે. બાકી રહેલી રકમ માંથી 10.663 કરોડ સચીનનોટીફાઈડ એરિયા ઓથોરીટી પાસેથી મળશે અને 8.916 કરોડ રૂપિયા દક્ષિણ ગુજરાત વીજકંપની દ્વારા આપવામાં આવશે..