ફરીએકવાર લોકગાયક કીર્તિદાન ગઢવી ચર્ચામાં છે. કીર્તિદાન ગઢવીના ડાયરાનો એક વીડિયો સોશિયલ મીડિયા પર વાયુવેગે પસરી ગયો છે, જેમાં કીર્તિદાન ગીત ગાઈ રહ્યા છે, ત્યારે જ અમુક લોકો હવામાં કેટલાય રાઉન્ડ ફાયરિંગ કરી રહ્યા છે. આ વીડિયો જૂનાગઢમાં એક લગ્નનો છે. લગ્ન પહેલા સંગીત કાર્યક્રમનું આયોજન કરવામાં આવ્યું હતું, જેમાં લાખો રૂપિયાની નોટ પણ ઉડાડવામાં આવી હતી. આ બધા વચ્ચે 30થી વધુ રાઉન્ડ ફાયરિંગ પણ કરવામાં આવ્યું હતું.

આ લગ્નનો કાર્યક્રમ જૂનાગઢ પાસે ખલિલપુર રોડ પર પાર્ટી પ્લોટમાં આયોજિત કરવામાં આવ્યું હતું. લગ્ન પહેલા આયોજિત આ વીડિયો 15-20 દિવસ જૂનો હોય તેવું કહેવાય છે. આ મુદ્દે પોલીસે હવામાં ફાયરિંગ કરનારા વિરુદ્ધ કોઈપણ પ્રકારની કાર્યવાહી કરી નથી તેવી વાત સામે આવી છે. આ પહેલીવાર નથી જ્યારે કોઈ લગ્ન સમારોહમાં ફાયરિંગ થયું હોય, આ પહેલા પણ આવી ખબરો આવી હતી, જ્યારે કોઈનું મોત પણ થયું હતું અને કોઈ ઈજાગ્રસ્ત પણ થયું હતું.Watch Firing in Kirtidan Gadhvis lokdayro in Junagadh With HD Quality.