સોશિયલ મીડિયા પર એક વીડિયો વાયરલ થયો છે, જેમાં ગાંધીજીના ગુજરાતના સુરત શહેરમાં ખૂલ્લેઆમ દારુ વેચાય રહ્યો છે. આ વાત લોકોને સામાન્ય લાગતી હશે કે દારુ તો બધે વેચાય જ છે, પરંતુ આ દારુ સુરતમાં એક પોલીસ ચોકીની એકદમ નજીક વેચાય રહ્યો છે. સુરતમાં મિનિ સૌરાષ્ટ્ર તરીકે જાણીતા વરાછા વિસ્તારના બરોડા પ્રિસ્ટેજ પાસે આવેલી લાભેશ્વર પોલીસ ચોકીની બાજુમાં આવેલા મકાનમાં પહેલા માળે જ ખૂલ્લેઆમ દારુ વેચાય રહ્યો છે અને વીડિયોમાં જોઈ શકાય છે કે, લોકો બિન્દાસ દારુની ખરીદી કરીને ત્યાં જ દારુ પીતા જોવા મળે છે.
એક યુવાને પોતાના ફોનમાં કેમેરો ચાલુ કરીને આ વીડિયો ઉતાર્યો હતો અને પોલીસ અધિકારીને મોકલતા વરાછા પોલીસ દોડતી થઈ હતી અને ત્યાં રેડ પાડીને પોલીસે એક બૂટલેગરને દારુના જથ્થા સાથે પકડી લીધો હતો.Watch Illegal liquor is being sold near police station in Surat With HD Quality.