ભાવનગરના રંઘોળા પાસે ભાવનગર-રાજકોટ હાઇવે પર જાન લઈને જતી એક ટ્રક નાળામાં ખાબકતા ઘટનાસ્થળે જ 26 જાનૈયાઓનું મૃત્યુ થયું હતું અને આ ઘટનામાં 35 લોકો ઈજાગ્રસ્ત પણ થયા હતા. આ અંગે સંવેદના વ્યક્ત કરતા BJP ગુજરાતના પ્રવક્તા ભરત પંડ્યાએ કહ્યું હતું કે, રંઘોળા ખાતે બનેલી દુર્ઘટના હૃદયદ્વાવક છે. જે કોળી પરીવારમાં ખુશીનો પ્રસંગ હતો. ત્યાં શોકનો માહોલ સર્જાયો છે. જે લગ્નની જાન મંગળ પ્રસંગે જઈ રહી હતી તેમાં અનેક જાનૈયાઓને પોતાના જીવ ગુમાવીને આ પ્રસંગ અમંગળમાં પરીણમ્યો છે.

ટીવી પરના દૃશ્યો જોઈને હૃદય કંપી જાય એ પ્રકારની આ ઘટના છે, ત્યારે સમાજ કે કોઈપણ વ્યક્તિને આ દુર્ઘટનામાં કેટલો આઘાત લાગ્યો હશે એ સમજી શકાય એવું છે. હું મૃતકોને ભાજપ તરફથી હૃદયપૂર્વકની શ્રદ્ધાંજલિ આપું છું, તમામ પરિવાર પ્રત્યે સંવેદના વ્યક્ત કરું છું. મુખ્યમંત્રી વિજય રૂપાણીએ પણ મૃતક પરિવારને 4 લાખની સહાય અને ઘાયલોનો તમામ સારવાર ખર્ચ સરકાર ઉપાડશે તેવી જાહેરાત કરી છે. સરકાર અને ભાજપ પીડિતોની પડખે છે. ફરીથી મૃતકોને શ્રદ્ધાંજલિ સાથે પરિવાર પ્રત્યે સંવેદના વ્યક્ત કરું છું.Watch BJP spokesman Bharat Pandya expresses condolence for ranghola accident With HD Quality.