તાપી જિલ્લામાં સાર્વત્રિક ધોધમાર વરસાદ થયો છે. સોનગઢ, નિજર, કુકરમુન્ડા, વાલોડ અને વ્યારામાં મેધ મહેર જોવા મળી છે. વાલોડ, ડોલવણ, મીંઢોણા અને અંબિકા સહિતની નદીઓ વધારે વરસાદ પડવાના કારણે બે કાંઠે વહેતી થઇ છે. મધરાતે વીજ કડાકા સાથે વરસાદ પડ્યો હતો. નદીમાં પાણી વધી જતા નદીઓનુ પાણી પુલ પરથી પસાર થવા લાગ્યું હતું. તો નદીના આસ પાસના નીચાણ વાળા વિસ્તારમાં પાણી ભરવાની સમસ્યા સર્જાઈ છે તો મધરાતે વધારે વરસાદ પાડવાના કારણે વીજ પુરવઠો ખોરવાઈ ગયો હતો અને લોકોને મુશ્કેલની સામનો કરવો પડ્યો હતો. ત્યારે સારા વરસાદના કારણે તાપી જિલ્લાના ખેડૂતો માટે ખુશીના સમાચાર છે.

સ્થાનિક લોકોના કહેવા અનુસાર તાપી જિલ્લાના ઘણા ગામોમાં રાત્રીના 9 વાગ્યાથી વરસાદ સતત પડી રહ્યો હતો અને રાત્રે 3 વાગ્યા પછી વરસાદ ધોધમાર પડતા લોકોના ઘરોમાં પાણી ઘુસી ગયું હતું. ગામની નદીઓમાં પાણીનો સતત વધારો થવાના કારણે નદીકિનારે વસવાટ કરતા ભરવાડ સમાજના લોકોને નદીમાં પાણીનો વધારો થતા પોતાની ગાય-ભેંસો છોડી પોતાના ઘરમાંથી નીકળીને ઉંચાણવાળા વિસ્તારમાં જવું પડ્યું હતું. વરસાદ ઓછો થતા લોકો પોતાન ઘરે પહોંચ્યા ત્યારે તેમાંના ઘરની ઘરવખરી પાણીમાં તણાઈ ગઈ હતી. ત્યારે નદી કિનારા પર રહેતા લોકોને વરસાદના કારણે નુકશાની પણ વેઠવી પડી હતી.


Know more on www.khabarchhe.com
Follow US On:

Facebook - www.facebook.com/khabarchhe/
Twitter - www.twitter.com/khabarchhe
Instagram - www.instagram.com/khabarchhe/
Youtube - www.youtube.com/khabarchhe

Download Khabarchhe APP
www.khabarchhe.com/downloadApp


Watch Trouble among people due to Rain flooding in songadh With HD Quality.