સુરત ડાયમંડ એસોસિયેશન દ્વારા વરાછાના સૌરાષ્ટ્ર પટેલ ભવન ખાતે લુઝ ડાયમંડ બી ટુ બી એક્ઝીબીશનનું આયોજન કરવામાં આવ્યું હતું. બી ટુ બી એક્ઝિબિશનનું ઉદ્ઘાટન રાજ્ય કક્ષાના કેન્દ્રિય મંત્રી મનસુખ માંડવીયાના હસ્તે કરવામાં આવ્યું હતું. આ બી ટૂ બી એક્ઝીબીશનમાં મોટી સંખ્યામાં ડાયમંડ વેપારી અને ઉદ્યોગકારો ઉપસ્થિત રહ્યા હતા. બી ટૂ બી એક્ઝીબીશનમાં મુકવામાં આવેલા હીરાની અલગ- અલગ પ્રકારની લુઝ રફ, તૈયાર કરેલા ડાયમંડ અને અલગ અલગ સેપ સાઈઝના કલર હીરા લોકોના આકર્ષણનું કેન્દ્ર બન્યા હતા.

સુરત ડાયમંડ એસોસિયેશનના હોદ્દેદારોએ મનસુખ મંડાવિયાને રજૂઆત કરતા કહ્યું કે શહેરમાં 5 કરોડથી લઇને 6000 કરોડ સુધીનું કામ હીરાની કંપનીઓમાં થાય છે. 10 થી 15 ઘંટી ચલાવતાં ઉદ્યોગકારોને બજારમાંથી રૂપિયા લેતા વ્યાજનું ભારણ વેઠવું પડે છે. બેંક તરફથી 7 ટકા વ્યાજની લોન આપવામાં આવે અને ઉદ્યોગ સાથે નવા-સંકળાયેલાઓને જાત-જામીન પર 1 લાખ રૂપિયાની 4 ટકા વ્યાજની લોન પૂરી પાડવામાં આવે તેવી રજૂઆત કરી હતી.Watch Mansukh mandaviya was present at the Diamond B2B Exhibition held at Surat With HD Quality.