ഡിഹൈഡ്രേഷന്‍ നിസ്സാരമാക്കരുത്!

നിര്‍ജ്ജലീകരണം രൂക്ഷമാകുന്നതോടെ താങ്ങാനാവാത്ത തളര്‍ച്ചയും ബോധക്ഷയവും സംഭവിക്കും.







ഡിഹൈഡ്രേഷന്‍ അഥവാ നിര്‍ജ്ജലീകരണം മരണത്തിനു തന്നെ കാരണമാകുന്ന അവസ്ഥയാണെന്ന് തിരിച്ചറിയുക.അതികഠിനമായ ചൂടും വരണ്ട കാലാവസ്ഥയും ശരീരത്തിലെ ജലാംശത്തില്‍ കുറവ് അനുഭവപ്പെടുമ്പോഴാണ് നിര്‍ജ്ജലീകരണമുണ്ടാകുന്നത്. നിര്‍ജ്ജലീകരണം തടയാനുള്ള ഒരേ ഒരു വഴി ധാരാളം വെള്ളം കുടിക്കുകയെന്നത് മാത്രമാണ് എന്നത് പലരും മറക്കുന്നതാണ് ഗുരുതരമായ അവസ്ഥയുണ്ടാക്കുന്നത്.വളരെയധികം ദാഹം തോന്നുക, ചുണ്ടും നാവും വരളുക, ചര്‍മ്മം വരളുക, വിയര്‍ക്കാതിരിക്കുക, തലവേദന, ഓര്‍മ്മക്കുറവ്, വളരെയധികം ക്ഷീണവും തളര്‍ച്ചയും ഉണ്ടാകുക, മൂത്രത്തിന്‍റെ അളവ് കുറയുക തുടങ്ങിയ അവസ്ഥകള്‍ നിര്‍ജ്ജലീകരണത്തിന്‍റെ ലക്ഷണങ്ങളാണ്..