ഒഴുകിയത് ചോര അല്ല ചോക്ലേറ്റ്

12 ടണ്‍ ചോക്ലേറ്റ് ലായനിയുമായി പോകുകയായിരുന്നു ലോറി നിയന്ത്രണം നഷ്ടപ്പെട്ട് മറിയുകയായിരുന്നു



ചോക്ലേറ്റ് പ്രേമികള്‍ സ്വപ്നങ്ങളില്‍ കാണുന്ന കാഴ്ചയാകും കണ്മുന്നില്‍ കൂടി ഒരു ചോക്ലേറ്റ് പുഴ ഒഴുകുന്നത്. എന്നാല്‍ ആ സ്വപ്നം അങ്ങ് പോളണ്ടില്‍ ശരിക്കും സംഭവിച്ചിരിക്കുകയാണ്.കഴിഞ്ഞ ദിവസം പോളണ്ടില്‍ ഉണ്ടായ ഒരു അപകടം സങ്കടമുള്ളതും അതേസമയം തന്നെ വായില്‍ വെള്ളമൂറുന്നതുമായിരുന്നു.കാരണം മറിഞ്ഞത് ഒരു ലോറിയും ലോറി നിറയെ ചോക്ലേറ്റ് ലായനിയുമായിരുന്നു.പോളണ്ടില്‍ 12 ടണ്‍ ചോക്ലേറ്റ് ലായനിയുമായി പോകുകയായിരുന്നു ലോറി നിയന്ത്രണം നഷ്ടപ്പെട്ട് റോഡിന് കുറുകെ മറിയുകയായിരുന്നു.സാധാരണ ഗതാഗത തടസമുണ്ടായാല്‍ ആളുകള്‍ ഉണ്ടാക്കുന്ന പ്രശ്നങ്ങള്‍ ഇവടെ എന്തായാലും ഉണ്ടായില്ല.