പരസ്യങ്ങള്‍ക്ക് മാത്രം കോടികള്‍?





മോദി സര്‍ക്കാര്‍ അധികാരത്തില്‍വന്നതിനുശേഷം വിവിധ മാധ്യമങ്ങളില്‍ പരസ്യം ചെയ്യുന്നതിന് 4,343.26 കോടി രൂപ


വ്യാപകമായ വിമര്‍ശനമുയര്‍ന്നതിനെത്തുടര്‍ന്ന് ഈ വര്‍ഷം എന്‍.ഡി.എ. സര്‍ക്കാര്‍ പരസ്യച്ചെലവ് അല്‍പം കുറയ്ക്കാന്‍ കേന്ദ്രം തയ്യാറായിട്ടുണ്ടെന്ന് വിവരാവകാശപ്രകാരം ലഭിച്ച രേഖകളില്‍നിന്ന് വ്യക്തമാകുന്നു.മോദി സര്‍ക്കാര്‍ അധികാരത്തില്‍വന്നതിനുശേഷം 2014 ജൂണ്‍ മുതല്‍ 2018 മാര്‍ച്ച് വരെ പത്രങ്ങളിലും ടെലിവിഷനിലും മറ്റു മാധ്യമങ്ങളിലും പരസ്യത്തിനുവേണ്ടി ചെലവിട്ട പണത്തിന്റെ കണക്കാണിത്. കേന്ദ്രത്തിന്റെ ബ്യൂറോ ഓഫ് ഔട്ട് റീച്ച് ആന്‍ഡ് കമ്യൂണിക്കേഷന്‍(ബി.ഒ.സി.) വിഭാഗത്തിന്റെ സാമ്പത്തിക ഉപദേഷ്ടാവ് തപന്‍ സൂത്രധാര്‍ ആണ് മുംബൈയിലെ വിവരാവകാശ പ്രവര്‍ത്തകന്‍ അനില്‍ ഗാല്‍ഗലിയ്ക്ക് ഇത് കൈമാറിയത്.2014 ജൂണ്‍ മുതല്‍ 2015 മാര്‍ച്ച് വരെ 953.44 കോടി രൂപയാണ് പരസ്യത്തിന് ചെലവിട്ടത്. ഇതില്‍ 424 കോടി രൂപ അച്ചടി മാധ്യമങ്ങള്‍ക്കും 448 കോടി രൂപ ഇലക്ട്രോണിക് മാധ്യമങ്ങള്‍ക്കും 79.72 കോടി രൂപ പുറം പരസ്യങ്ങള്‍ക്കുമായിരുന്നു..