ഞായറോ ..എനിക്കോ ?



തനിക്കു ഞായര്‍ പ്രവര്‍ത്തി ദിവസമാണെന്ന് സുഷമ സ്വരാജ്



ആര് ഏത് സമയത്ത് സഹായം ചോദിച്ചാലും അത് അതിവേഗം സാധിച്ചു കൊടുക്കുകയും ഗവണ്‍മെന്‍റിന്‍റെ ഇടപെടല്‍ ഉറപ്പാക്കുകയും ചെയ്യുന്ന ഒരു വ്യക്തിയാണ് സുഷമ സ്വരാജ്. ഇന്ത്യയില്‍ നിന്നും വിദേശത്തു നിന്നും നിരവധി ആളുകളാണ് ഓരോ ദിവസവും സഹായമഭ്യര്‍ത്ഥിച്ച് സുഷമാജിക്ക് സന്ദേശങ്ങള്‍ അയക്കുന്നത്. കാലതാമസം വരുത്താതെയും ഒരാളെയും നിരാശപ്പെടുത്താതെയും അത് സാധിച്ചു കൊടുക്കുന്നതില്‍ അതീവ ശ്രദ്ധാലുവാണ് സുഷമ. ഇന്നലെ ഗീത ശര്‍മ്മ എന്ന ട്വിറ്റര്‍ ഉപയോക്താവ് സുഷമ സ്വരാജിന് ഒരു സന്ദേശം അയച്ചു. ‘ഹാപ്പി സണ്‍ഡേ ജി’ എന്നായിരുന്നു അത്. ഉടനടി ആ സന്ദേശത്തിന് സുഷമ സ്വരാജ് മറുപടി സന്ദേശവും അയച്ചു. അത് ഇപ്രകാരമായിരുന്നു. ''ഗീതാ… പ്രിയപ്പെട്ടവളേ എനിക്ക് ഞായര്‍ എന്നൊന്നില്ല… എനിക്കിത് വളരെ സന്തോഷത്തോടെയുള്ള പ്രവൃത്തി ദിവസമാണ്'' .
ഈ സന്ദേശംപെട്ടെന്ന് വൈറല്‍ ആയി .ചിലര്‍ റീട്വീററ് ചെയ്യുകയും ചെയ്തു.