അഹിംസയുടെ ഓര്‍മ്മയ്ക്ക്‌ സസ്യാഹാരം



ഗാന്ധി ജയന്തി ദിനത്തില്‍ തീവണ്ടികളില്‍ സസ്യാഹാരം മാത്രം


ഗാന്ധിയുടെ 150-ാം ജന്മദിനത്തോടനുബന്ധിച്ചാണ് അടുത്ത മൂന്ന് വര്‍ഷത്തേക്ക് ഒക്ടോബര്‍ രണ്ടിന് തീവണ്ടികളില്‍ സസ്യാഹാര ദിനമാക്കാന്‍ ആലോചിക്കുന്നത്.റെയില്‍വേ മന്ത്രാലയം കഴിഞ്ഞ മാസം പുറത്തിറക്കിയ സര്‍ക്കുലര്‍ അനുസരിച്ച് 2018,19,20 വര്‍ഷങ്ങളില്‍ ഒക്ടോബര്‍ രണ്ടാം തീയതി ട്രെയിനുകളിലോ റെയില്‍വേ സ്‌റ്റേഷനുകളിലോ മാംസാഹാരം വിതരണം ചെയ്യുന്നില്ലെന്ന് റെയില്‍വേയിലെ എല്ലാ ജീവനക്കാരും ഉറപ്പ് വരുത്തണമെന്ന് ആവശ്യപ്പെട്ടിട്ടുണ്ട്.റെയില്‍വേ മന്ത്രാലയം മുന്നോട്ട് വെച്ച നിര്‍ദേശം അംഗീകരിച്ചാല്‍ ഒക്ടോബര്‍ രണ്ട് ശുചിത്വ ദിനത്തിന് പുറമെ വെജിറ്റേറിയന്‍ ദിനമായും ആഘോഷിക്കും. ഇതിന് പുറമെ, ഗാന്ധി ജയന്തിയോട് അനുബന്ധിച്ച് ദണ്ഡി യാത്ര അനുസ്മരണം ഉള്‍പ്പെടെ നിരവധി പരിപാടികളാണ് റെയില്‍വേ ആസൂത്രണം ചെയ്യുന്നത്.ഗാന്ധിജിയുടെ ചിത്രം ആലേഖനം ചെയ്ത ടിക്കറ്റ്. ശുചിത്വ സന്ദേശവുമായി ട്രെയിന്‍ സര്‍വീസ്, റെയില്‍വേയുടെ അഡ്മിനിസ്‌ട്രേറ്റീവ് ഓഫീസുകളില്‍ ഗാന്ധിയുടെ ചിത്രം, മ്യൂറല്‍ പെയിന്റിങ് തുടങ്ങി മറ്റ് പദ്ധതികളും സാംസ്‌കാരിക വകുപ്പിന്റെ അനുമതിക്കായി അയച്ചിട്ടുണ്ട്..