ചരിത്ര സ്മരണകളുമായി കോയിക്കല്‍ കൊട്ടാരം

നവീകരണം പൂര്‍ത്തിയാക്കി കോയിക്കല്‍ കൊട്ടാരം നാടിനു സമര്‍പ്പിച്ചു

വര്‍ഷങ്ങളായി നടന്നിരുന്ന പുരുദ്ധാരണ പ്രവര്‍ത്തനങ്ങള്‍ക്ക് പരിസമാപ്തി കുറിച്ച് കോയിക്കല്‍ കൊട്ടാരം സന്ദര്‍ശകര്‍ക്കായി തുറന്നു.രാവിലെ 10 മണിക്ക് പുരാവസ്തു വകുപ്പ് മന്ത്രി കടന്നപ്പള്ളി രാമചന്ദ്രനാണ് ഉദ്ഘാടന കര്‍മം നിര്‍വഹിച്ചത്.2014 സെപ്റ്റംബറില്‍ തുടങ്ങിയ നിര്‍മാണ പ്രവര്‍ത്തനം പല കാരണങ്ങളായി ഇഴഞ്ഞു നീങ്ങുകയായിരുന്നു .
15 -ാം നൂറ്റാണ്ടിലെ വാസ്തു വിദ്യയില്‍ തീര്‍ത്ത കൊട്ടാരം നാലുകെട്ടിന്‍റെ മാതൃകയിലാണ് നിര്‍മിച്ചിരിക്കുന്നത്
1670-ല്‍ വേണാടിന്റെ റീജെന്റായിരുന്ന ഉമയമ്മ റാണിയുടെ കാലത്താണ് മനോഹരമായ ഈ സൌധം പണിതുയര്‍ത്തിയത്. വിലമതിക്കാനാകാത്ത നാണയ ശേഖരവും പുരാവസ്തുക്കളും കൊട്ടാരത്തിലെ മ്യുസിയത്തില്‍ പ്രദര്‍ശിപ്പിച്ചിട്ടുണ്ട്.കൊട്ടാരത്തിനകത്ത് നിന്നും കിളിമാനൂര്‍ കൊട്ടാരത്തിലേക്ക് നിര്‍മിച്ചിരിക്കുന്ന തുരങ്കപാത അകാലത്തെ നിര്‍മാണ വൈദഗ്ദ്ധ്യത്തിന്‍റെ ഉത്തമ ഉദാഹരണമാണ്..