വരുന്നൂ... വോള്‍വോ കുഞ്ഞന്‍ !!!


വോള്‍വോയുടെ ഏറ്റവും ചെറിയ എസ്‌യുവി XC40 ജൂലായ് നാലിനെത്തും


വോള്‍വോയുടെ ഏറ്റവും ചെറിയ എസ്.യു.വി എന്ന ഖ്യാതിയോടെയാണ് XC40 എത്തുന്നത്.പൂര്‍ണമായും നിര്‍മിച്ച് ഇറക്കുമതി ചെയ്യുന്ന വാഹനത്തിന്‌ ഇവിടെ ഏകദേശം 40 ലക്ഷത്തിനുള്ളിലായിരിക്കും വിപണി വില.കൃത്യമായ വില ലോഞ്ചിങ് വേളയില്‍ മാത്രമേ കമ്പനി വ്യക്തമാക്കു.ആഡംബരത്തിന്റെ സെഡാന്‍ രൂപങ്ങളില്‍ നിന്ന് വോള്‍വോയുടെ ചെറുകാറുകളിലേക്കുള്ള മാറ്റമാണ് XC40. രൂപത്തില്‍ ചെറുതാണെങ്കിലും മുന്തിയ എസ്.യു.വികളുടെ ലക്ഷ്വറി രൂപഘടന ഉള്‍വശത്തും പ്രകടമാകും.9.0 ഇഞ്ചാണ് ടച്ച് സ്‌ക്രീന്‍ ഇന്‍ഫോടെയ്ന്‍മെന്റ് സിസ്റ്റം. റോഡുകളിലേക്ക് നല്ലവണ്ണമുള്ള കാഴ്ചയ്ക്കായി ഉയര്‍ന്ന സീറ്റിങ്ങ് പൊസിഷന്‍ എന്നിവയാണ് പ്രധാന സവിശേഷത.തങ്ങളുടെ വാഹനത്തില്‍ യാത്ര ചെയ്യുന്നവര്‍ക്ക് സുരക്ഷ ഒരുക്കുന്നതില്‍ ഒരു വിട്ടുവീഴ്ചയും നല്‍കാത്തവരാണ് വോള്‍വോ. ആ പാരമ്പര്യം ഉള്‍ക്കൊണ്ട് സുരക്ഷയിലും XC40 വമ്പനാണ്.റോഡിന് കുറുകെചാടാനൊരുങ്ങുന്ന മൃഗങ്ങളെക്കുറിച്ച് പോലും മുന്നറിയിപ്പ് തരാന്‍ വാഹനത്തിന് കഴിയും..