സെപ്തംബർ 28ന് വിവേകാനന്ദ യുവഭാരതി ക്രികാരംഗൻ സ്റ്റേഡിയത്തിൽ വച്ചാണ് മത്സരം.ബാഴ്സലോണക്കെതിരെ കളിക്കുന്ന മോഹൻ ബഗാൻ ടീമിന്റെ അൻപത്തിയൊന്നംഗ സാധ്യത ടീമിനെ കഴിഞ്ഞ ദിവസം ക്ലബ് പുറത്തു വിട്ടിരുന്നു. കേരളത്തിന്റെയും ഇന്ത്യയുടെയും അഭിമാനതാരങ്ങളായ ഐ.എം.വിജയൻ, ജോപോൾ അഞ്ചേരി എന്നിവർക്കു പുറമേ ബൈചുങ് ബൂട്ടിയ, സുനിൽ ഛേത്രി എന്നീ സൂപ്പർ താരങ്ങളും ടീമിൽ ഇടം പിടിച്ചിട്ടുണ്ട്. ഈ അൻപത്തിയൊന്നംഗ ടീമിൽ നിന്നും മുപ്പതു പേരെയാണ് അവസാന ടീമിലേക്കു തിരഞ്ഞെടുക്കുക. ബാഴ്സലോണക്കു വേണ്ടി കളിക്കുന്ന താരങ്ങളുടെ വിവരങ്ങൾ പുറത്തു വന്നിട്ടില്ലെങ്കിലും ഇപ്പോൾ സെനഗൽ സഹപരിശീലകനായ പാട്രിക് ക്ലവർട്, ബാഴ്സ ഡയറക്ടർ അബിദാൽ, എഡ്ഗാർ ഡേവിസ്, ബ്രസീലിയൻ താരം എഡ്മിൽസൺ എന്നിവർ മത്സരത്തിൽ കളിക്കുമെന്നാണ് സൂചനകൾ..