NATIONAL SOCIETY FOR HUMAN RIGHTS - WORK IS MORAL POLICING BY TARGETING HARD-EARNED & BLACKMAILING TO REAL-ESTATE BUSINESSMAN

సంస్థ పేరు నేషనల్ సొసైటీ ఫర్ హ్యూమన్ రైట్స్... చేస్తున్న పని కష్టపడి డబ్బులు సంపాదించే వారిని లక్ష్యంగా చేసుకుని బ్లాక్ మెయిల్ చేస్తూ మోరల్ పోలీసింగ్ చేయడం. ఇది ఎంతవరకు న్యాయం? అసలు ఈ న్యాయ అన్యాయాలను ప్రశ్నించేది ఎవరు? అటువంటివారిని శిక్షించేది ఎవరు? రాను రాను స్వచ్ఛంద సంస్థల ముసుగులో బ్లాక్మెయిల్ రాజకీయాలకు పాల్పడుతూ సమాజంలో గౌరవ మర్యాదలతో బ్రతికే వారిని భయాందోళనకు గురిచేయడం ఇటీవలి పరిపాటిగా మారింది. ఇటువంటి అసాంఘిక శక్తులకు అడ్డు చెప్పడం కాదు సమూలంగా ఇటు వంటి సందర్భాలలో వాటిని ప్రక్షాళన చేయవలసిన అవసరాన్ని మనకు గుర్తు చేస్తుంది.
ఇటీవల గచ్చిబౌలికి చెందిన మహేశ్వర్ రెడ్డి అనే రియల్ ఎస్టేట్ వ్యాపారిని నేషనల్ సొసైటీ ఫర్ హ్యూమన్ రైట్స్ పేరుతో ఉన్న సంస్థ తమకు సంబంధం లేని వ్యవహారాలలో తల దూర్చి మహేశ్వర్ రెడ్డి అక్రమంగా రూ.400 కోట్లు, 400 ఎకరాల భూమి, 11 విల్లాల రూపంలో అక్రమాస్తులు కూడా గట్టారని ఆరోపణలు చేస్తున్నారని బాధితుడు మహేశ్వర్ రెడ్డి ఆవేదన వ్యక్తం చేశారు. తనపై నిరాధారమైన నిందలు వేస్తూ వ్యక్తిగతంగా మానసికంగా దాడి చేస్తున్న నేషనల్ సొసైటీ ఫర్ హ్యూమన్ రైట్స్ కు చెందిన ప్రశాంత్ విజయరాఘవన్ లపై చర్య తీసుకోవాలని ఆయన విజ్ఞప్తి చేస్తున్నారు. ఈ మేరకు సోమవారం సోమాజిగూడ ప్రెస్ క్లబ్ లో మీడియా సమావేశం ఏర్పాటు చేసి ప్రశాంత్, విజయ రాఘవన్ ల నుండి తనకు ప్రాణహాని ఉందని ఆందోళన వెలిబుచ్చారు. జూలై 12న వీరిద్దరూ మీడియా సమావేశం ఏర్పాటు చేసి అందులో తనపై అక్రమంగా ఆరోపణలు చేశారని వాపోయారు. అక్రమ ఆస్తులతోపాటు నేరచరిత్ర కూడా కలిగి ఉన్నానని తప్పుడు ఆరోపణలతో తన పరువు మర్యాదలకు భంగం కలిగిస్తున్నారని మండిపడ్డారు. పదేళ్ల క్రితం తనపై నమోదు చేయబడిన 11 కేసుల నుండి తాను నిర్దోషిగా బయటపడ్డారని, నాపై మోపబడిన నేరాలు రుజువు చేయలేనందున కోర్టులే నిర్దోషిగా ప్రకటించాయి. కానీ స్వచ్ఛంద సంస్థ ముసుగులో ప్రశాంత్ విజయ రాఘవన్ లు సమాజం ముందు తనను ముద్దాయిల నిలబెడుతున్నారని పోలీసులకు న్యాయవ్యవస్థకు మించిన అధికారాలు ఆ సంస్థకు ఎవరు బదలాయించారని మహేశ్వర్ రెడ్డి ఆవేదనతో సూటిగా ప్రశ్నించారు. గత 20 సంవత్సరాలుగా శంషాబాద్ మహేశ్వరం ప్రాంతాల్లో చిన్నా సన్నకారు ర.