తెలంగాణలో ఫ్లెక్సీల మంటలు రాజుకున్నాయి.. రైతు రుణ మాఫీపై ఇప్పటి వరకు మాటల యుద్ధం.. ఇప్పుడు ఫ్లెక్సీల వార్ గా మారింది. రుణ మాఫీ విజయవంతంగా జరిగిందని, ఇక హరీశ్ రావు రాజీనామాయే మిగిలిందని కాంగ్రెస్ ఫ్లెక్సీ వెలిసింది. అందుకు కౌంటర్ గా బీఆర్ఎస్ కూడా ఫ్లెక్సీ వార్ కు సిద్ధమైంది. సీఎం రేవంత్ రెడ్డి నూరు శాతం రైతు రుణ మాఫీ అయిందంటున్నారని.. అయితే, నిజానికి 40 శాతం కూడా రుణ మాఫీ జరగలేదంటూ బీఆర్ఎస్ ఫ్లెక్సీ వేసింది. రైతులను మోసం చేసిన రేవంత్ రెడ్డి వెంటనే రాజీనామా చేయాలని హైదరాబాద్లో ఫ్లెక్సీ వెలిసింది. ఇటు సిద్దిపేటలో ఫ్లెక్సీ వార్ అర్ధరాత్రి హైడ్రామాకు దారి తీసింది. హరీశ్ రావు రాజీనామా చేయాలంటూ హైదరాబాద్ తో పాటు.. సిద్దిపేట్ లో కూడా ఫ్లెక్సీలు వెలిశాయి. దీంతో బీఆర్ఎస్ శ్రేణులు భగ్గుమన్నాయి. ఫ్లెక్సీలు తొలగించాలం టూ బీఆర్ఎస్ కార్యకర్తలు రోడ్డుపై బైఠాయించారు. దీంతో పోలీసులు వారిని అరెస్ట్ చేశారు. మరోవైపు కాంగ్రెస్ శ్రేణలు కూడా రోడ్డుపై బైఠాయించాయి. దీంతో తీవ్ర ఉద్రిక్త వాతావరణం నెలకుంది. పరిస్థితిని అదువులో ఉంచేందుకు భారీగా పోలీసు బలగాలు మోహరించాయి.

Congress- BRS Flexi War At Peak Stage..High Drama In Siddipet.