స్వాతంత్య్ర పోరాట సమయంలో వినాయక మండపాలు ఐకమత్య వేదికలు నిలిచాయని బాలానగర్ డీసీపీ సురేష్ కుమార్ అన్నారు. సనత్ నగర్ పోలీసు స్టేషన్ పరిధిలోని వినాయక మండప నిర్వాహకుల సమావేశాన్ని సోమవారం నిర్వహించారు. ఎర్రగడ్డలోని నూర్ ఫంక్షన్ హాల్ లో నిర్వహించిన కార్యక్రమానికి లో ఆయన మాట్లాడుతూ ప్రజలందరినీ ఏకతాటిపైకి తెచ్చేందుకు లోకమాన్య బాల్ గంగాధర్ తిలక్ సామూహిక వినాయక ఉత్సవాలను ప్రారంభించారని గుర్తుచేశారు. నాటి నుంచి నేటి వరకు అదే స్ఫూర్తి కొనసాగుతోందని పేర్కొన్నారు. నిర్వాహకులు భక్తిశ్రద్ధలతో వేడుకలను జరుపుకోవాలని సూచించారు. సంప్రదాయానికి పెద్దపీట వేయాలన్నారు. అదే విధంగా మండపాల ఏర్పాటుకు పోలీసుల అనుమతి తప్పనిసరని తెలిపారు. ఈ కార్యక్రమంలో అడిషనల్ డీసీపీ సత్యనారాయణ, ఏసీపీ హనుమంత రావు, సీఐ శ్రీనివాస్లు, ట్రాఫిక్ సీఐ సురేష్ సనత్ నగర్ పోలీసులతో పాటు మండపాల నిర్వాహకులు తదితరులు పాల్గొన్నారు.

VINAYAKA FESTIVAL 2024 SANATHNAGAR POLICE ORGANIZED MEETING WITH MANDAP ORGANISER DCP BALANAGAR.