గుజరాత్ రాష్ట్రంలో భారీ వర్షాల వల్ల ముగ్గురు మృతి చెందారు.
అహ్మదాబాద్, బనస్కాంత, సబర్కాంత, అరావళి, ఖేడా తదితర జిల్లాల్లో వర్షం బీభత్సం సృష్టిస్తోంది. ముగ్గురు మరణించగా 20వేల మంది నిరాశ్రయులయ్యారు. లోతట్టు ప్రాంతాల ప్రజలను అధికారులు పునరాస కేంద్రాలకు తరలిస్తున్నారు. వాయువ్య మధ్య ప్రదేశ్, తూర్పు రాజస్థాన్లో ఏర్పడిన అల్పపీడనంతో భారీ వర్షాలు కురుస్తున్నట్లు IMD తెలిపింది. ఈనెల 29వరకు అత్యంత భారీ వర్షాలు కురుస్తాయని రెడ్ అలర్ట్ జారీ చేసింది.

భారీ వర్షాల కారణంగా ఓ బ్రిడ్జ్
పేకమేడలా కూలిపోయింది.

భారీ వర్షాలతో చాలా ప్రాంతాలు వరద నీటిలో చిక్కుకున్నాయి. పలుచోట్ల కొండచరియలు విరిగిపడటంతో పాటు వంతెనలు ప్రమాదకరంగా మారాయి. తాజాగా చోటిలాలోని హబియాసర్ గ్రామం సమీపంలో ఉన్న బ్రిడ్జి పేకమేడలా కూలిపోయింది. దీనిని స్థానికులు వీడియో తీసి షేర్ చేయడంతో వైరలవుతోంది. ఇది ప్రభుత్వ నిర్లక్ష్యమా? లేక వర్షాల ప్రభావం అంతలా ఉందా? అంటూ నెటిజన్లు ఫైరవుతున్నారు.\

Bridge Collapsed In Gujarat..With Continues Heavy Rains,Flood Water..3 Dead..Many Remained Homeless.