హైదరాబాద్ పాతబస్తీ చంద్రాయణ గుట్ట నియోజకవర్గం లోని చంద్రాయణ గుట్ట, ఫలక్ నుమ, అలియాబాద్, ఉప్పుగూడ, గౌలిపుర, లలితా బాగ్ డివిజన్ లోని రోడ్లపై
చెత్త పేరుకుపోయి..దుర్వాసన బకొడుతుంది.
అపరిశుభ్రమైన చెత్త కుప్పల తరలింపు పనుల్లో జిహెచ్ఎంసి అధికారులు పూర్తిగా విఫలమయ్యారని ప్రజలు ఆగ్రహం చెందుతున్నారు. ప్రస్తుతం వర్షాలు కురుస్తుండడంతో మలేరియా, టైఫాయిడ్, డెంగీ వంటి వ్యాధులు ప్రబలే అవకాశం ఉంది. ప్రజలువరోగాల బారినపడకముందే..‌ అధికారులు చెత్తను తరలించి, అనంతరం బ్లీచింగ్ పౌడర్ చల్లి తగిన చర్యలు తీసుకోవాలని కోరుతున్నారు. ఇంటి నుంచి తరలించే చెత్త ఆటోలు వాళ్లు క్రమం తప్పకుండా రావడం లేదని..దానిపై ప్రశ్నిస్తే.. వాళ్లు దురుసుగా ప్రవర్తిస్తున్నారని ఆరోపణలు వెల్లువెత్తుతున్నాయి. పారిశుద్ధ్య కార్మికుల సైతం రోడ్లను ఊడ్చి చెత్తను చెత్త కుప్పలు వద్ద వేసి చేతులు దులుపుకుంటున్నారు. ఇప్పటికైనా స్థానిక ప్రజాప్రతినిధులు. ప్రభుత్వ ఉన్నత అధికారులు చెత్త తరలింపు పై ప్రత్యేక దృష్టి సాధించి.. తగిన చర్యలు తీసుకోవాలని స్థానిక బస్తీ వాసులు కోరుతున్నారు.

Chandrayanagutta People Angry That GHMC Officials Completely Failed inSanitary Work.