దేశంలో స్త్రీలు, బాలికలపై జరుగుతున్న హింసాత్మక ఘటనలకు సమాజంలో నైతిక విలువ లోపించడమే కారణమని జమాతే ఇస్లామి హింద్ మహిళా విభాగం ఆవేదన వ్యక్తం చేసింది. నైతిక విలువలను పెంపొందించేందుకు నెలరోజుల పాటు ప్రత్యేక అవగాహన కార్యక్రమాలను నిర్వహిస్తున్నట్లు హింద్ క్యాంపెయిన్ కన్వీనర్ డాక్టర్ అస్రా మోహ్సిన తెలిపారు. సోమాజిగూడ ప్రెస్ క్లబ్ లో ఇందుకు సంబంధించిన పోస్టర్ ను ఖతీజ మెహవీన్, సాజిదా బేగం, ఇస్రాత్ బాను లతో కలిసి ఆవిష్కరించారు. ఎంతటి కఠిన శిక్షలు విధించినా సమాజంలో నేరాలు ఆగడం లేదన్నారు. పూర్వం ఉమ్మడి కుటుంబాల్లో బాల, బాలికలకు నైతిక విలువలను ఆయా కుటుంబ పెద్దలు బోధించే వారిని చెప్పారు.
సమాజంలో నైతిక విలువల పెంపొందించేందుకు తాము బాల బాలికలకు అవగాహన కల్పించనున్నట్టు చెప్పారు.

Jamate Islami Hind ConvenorAsra Said Lack Of Moral Values is The Cause Of Violence Against Women.