ହର୍ଷ ଉଲ୍ଲାସ, ମଜା ମଜଲିସ ଓ ଆନନ୍ଦର ସହ ସମାପନ ହୋଇଛି ଚଇତି ୨୦୨୩।
ରାୟଗଡ଼ ଜି.ସି.ଡି ଖେଳ ପଡିଆ ଠାରେ ଆୟୋଜିତ ରାୟଗଡ଼ ଚଇତି ୨୦୨୩ ଉଜ୍ଜାପନ ହୋଇଯାଇଛି। ଲୋପ ପାଇ ଯାଉଥିବା କଳା ସଂସ୍କୃତି ଓ ପରମ୍ପରା କୁ ବଜାୟ ରଖିଛି ଏହି ଚଇତି ମହୋତ୍ସବ। ଏହି ଚଇତି ମଞ୍ଚ ରେ ଲୁକ୍କାୟିତ ପ୍ରତିଭା ନିଜର କଳା ପ୍ରଦର୍ଶନ କରି ଜିଲ୍ଲାରେ ଓ ରାଜ୍ୟରେ ନିଜ ନିଜର ପରିଚୟ ସୃଷ୍ଟି କରି ଦେଶ ବିଦେଶରେ ମଧ୍ୟ ନିଜର କଳା ପ୍ରଦର୍ଶନ କରିବା ପାଇଁ ସୁଯୋଗ ପାଉଛନ୍ତି। ଚଇତି ମହୋତ୍ସବ ୨୦୨୩ ଉଜ୍ଜାପନି ଉତ୍ସବରେ ମନ୍ତ୍ରୀ ଅଶକ ଚନ୍ଦ୍ର ପଣ୍ଡା ଯୋଗ ଦେଇଥିବା ବେଳେ, ଆଇନ ମନ୍ତ୍ରୀ ଜଗନ୍ନାଥ ସାରକା, ବିଧାୟକ ମକରନ୍ଦ ମୁଦୁଲି ଏବଂ ରଘୁ ନାଥ ଗମାଙ୍ଗ, ବିଜୁ ସ୍ଵାସ୍ଥ୍ୟ କଲ୍ୟାଣ ଯୋଜନା ଉପଦେଷ୍ଟା ସୁଧୀର ଦାସ, ଏସ. ଡି. ସି. ଅଧ୍ୟକ୍ଷା ଶ୍ରୀମତି ଅନୁସୟା ମାଝି, କୋରାପୁଟ ଜିଲ୍ଲା ପରିଷଦ ଅଧ୍ୟକ୍ଷା ସସ୍ମିତା ମେଲେକା, ଅତିରିକ୍ତ ଜିଲ୍ଲାପାଳ ଭାସ୍କର ରୟତ, ଉପ ଜିଲ୍ଲାପାଳ କଲ୍ୟାଣୀ ସଂଘମିତ୍ରା ଦେଵୀ ଏବଂ ଅନେକ ମାଣ୍ୟଗଣ୍ୟ ବ୍ୟକ୍ତି ବିଶେଷ ଉପସ୍ଥିତ ଥିଲେ। ଉଜ୍ଜାପନି ଉତ୍ସବରେ ମୁଖ୍ୟ ଆକର୍ଷଣ ଥିଲେ ଇଣ୍ଡିଆନ୍ ଆଇଡଲ୍ ଫେମ୍ ପ୍ରଶାନ୍ତ ପାଣ୍ଡିଆଲ, ଆନ୍ତର୍ଜାତିକ କଳାକାର ସୁପ୍ରିମ ଶେଖର, ପୁରୀ ରୁ ଆସିଥିବା ମାଲ ଖମ୍ବ କଳା ପ୍ରଦର୍ଶନ ଦର୍ଷକ ମାନଙ୍କୁ ଙ୍କୁ ବହୁତ୍ ସମୟ ଧରି ବାନ୍ଧି ରଖିଥିଲା। ସେହିପରି ମାଢ଼ାଇ ନୃତ୍ୟ, କୁଈ ନୃତ୍ୟ, ଆଦିବାସୀ ନୃତ୍ୟ, କଲେଜ୍ ଛାତ୍ରୀ ମାନଙ୍କ ଲୋକ ନୃତ୍ୟ ଏବଂ ବଡ଼ ଚାନ୍ଦିଲି ରୁ ଆସିଥିବା ଅଲମତି ଫୁଲମତି ନୃତ୍ୟ ଦର୍ଶକଙ୍କୁ ନିଜ ଆଡେ ଆକର୍ଷିତ କରିଥିଲା। ସଂପୂର୍ଣ୍ଣ କାର୍ଯ୍ୟକ୍ରମ ର ପରିଚାଳନା କରିବାରେ ସୁଦର୍ଶନ ପାଢୀ, ଡମ୍ବରୁଧର ପଣ୍ଡା, ଲକ୍ଷ୍ମୀ ନାରାୟଣ ଦୋରା, ଅନନ୍ତ ପାତ୍ର, ଭବାନି ଶବର ପ୍ରମୁଖ ଉପସ୍ଥିତ ଥିଲେ। ଶାନ୍ତି ଶୃଙ୍ଖଳା ବ୍ୟବସ୍ଥା ବଜାୟ ରଖିବାକୁ ରାୟଗଡ଼ ଜିଲ୍ଲା ପୋଲିସ୍ ପକ୍ଷରୁ ବ୍ୟାପକ ପ୍ରସ୍ତୁତି କରାଯାଇଥିଲା। ରାଜ୍ୟ ଓ ରାଜ୍ୟ ବାହାରୁ ଆସିଥିବା ବ୍ୟବସାୟୀ ମାନେ ବହୁତ୍ ଖୁସି ଅନୁଭବ କରିଛନ୍ତି ଯେ ଏହି ସ୍ଥାନ ତାଙ୍କୁ ଦୁଇ ପଇସା ରୋଜଗାର କରିବା ପାଇଁ ବହୁତ୍ ସହାୟକ ହୋଇ ପାରିଛି। ଜିଲ୍ଲାବାସି ମଧ୍ୟ ଏହିଭଳି ମହୋତ୍ସବକୁ ଜିଲ୍ଲା ପ୍ରଶାସନକୁ ଭୂରି ଭୂରି ପ୍ରଶଂସା କରିଛନ୍ତି ଯେ ହେତୁ ବର୍ଷକ ଥରେ ଗୋଟିଏ ସ୍ଥାନରେ ଝାଡୁ ଠୁଁ ଆରମ୍ଭ କରି ଘରୋଇ ଉପକରଣ ଗୁଡିକ ଏବଂ ନାନା ପ୍ରକାର ବ୍ୟଞ୍ଜନ ଖାଈବାକୁ ମିଳିବା ସହ ବର୍ଷ ଶେଷ ଆଡ଼କୁ ହେଉଥିବା ହେତୁ ଗୋଟିଏ ପ୍ରକାର ବନ୍ଧୁ ମିଳନ ମଧ୍ୟ ହୋଇ ପାରୁଛି ବୋଲି କହିଛନ୍ତି। ରାୟଗଡ଼ ଚଇତି ପରିଚାଳନା ଜିଲ୍ଳା ପ୍ରଶାସନ ର ବହୁତ୍ ବଡ ଦାୟିତ୍ଵ ଗ୍ରହଣ କରିଥାଏ ବୋଲି କହିଛନ୍ତି ଜିଲ୍ଳା ବାସି। ରାୟଗଡ଼ ଜିଲ୍ଲାପାଳ ଏବଂ ଜିଲ୍ଲା ର ସମସ୍ତ ଅଧିକାରୀ ଓ କର୍ମଚାରୀ ମାନଙ୍କୁ ଧନ୍ୟବାଦ୍ ଓ କୃତଜ୍ଞତା ଜଣାଇଛନ୍ତି ଜିଲ୍ଲାବାସୀ।

#chaiti #rayagada #mahotsav.