रापणकारांच्या जाळ्यात अडकली मासळी
करंजाळेतील रापणकार झाले समाधानी

मासेमारी बंदीचा काळ संपून चार दिवस उलटल्यानंतर पाचव्या दिवशी म्हणजे शनिवारी करंजाळेच्या रापणकारांच्या जाळ्यात मोठ्या प्रमाणात मासळी सापडल्यानं हे रापणकार आनंदित झालेत. या भागातील एकूण २१ रापणकार पारंपरिक पद्धतीनं मासेमारी करत असतात. मासेमारी बंदीचा काळ संपल्यानंतर चार दिवस हे रापणकार मासळीसाठी जाळी टाकून बसले होते; मात्र म्हणावी तशी मासळी न मिळाल्यानं त्यांचा हिरमोड झाला होता. शनिवारी मात्र त्यांना अपेक्षित मासळी जाळ्यात सापडल्यानं त्यांच्या चेहऱ्यावरील आनंद ओसांडून वाहू लागला. साधारण १० पाट्या मासळी जाळ्यात सापडल्याची माहिती यावेळी रापणकारांनी दिली.

Watch TRADITIONAL RAMPONKARS START FISHING AFTER LIFT OF BAN With HD Quality.