കൈ നഷ്ടപ്പെട്ടിട്ടും സർഫിങിൽ താരമായി

സ്രാവിന്റെ ആക്രമണത്തില്‍ ഇടതുകൈ തോളോട് ചേര്‍ന്ന് പൂര്‍ണമായും നഷ്ടപ്പെട്ടു


സ്രാവിന്റെ ആക്രമണത്തില്‍ ഇടതുകൈ നഷ്ടപ്പെട്ടിട്ടും ഒറ്റക്കൈകൊണ്ട് തിരകളെ തോല്പിച്ച് സർഫിങിൽ താരമായ പെൺകുട്ടി. വെറും എട്ടു വയസ്സുള്ളപ്പോള്‍ തന്നെ ഒരു പ്രൊഫഷണല്‍ സര്‍ഫറായിത്തീര്‍ന്ന 'ബെഥനി ഹാമില്‍ട്ടണ്‍' ആണ് കഥയിലെ താരം . വെറും നാലുവയസുള്ളപ്പോൾ തിരമാലകളോട് മല്ലിടാനുള്ള മിടുക്കുണ്ടായിരുന്നു ബേദനിക്ക് . ഒമ്ബത് വയസ്സ് മാത്രമുള്ളപ്പോൾ ബെഥനയുടെ സര്‍ഫിങ് മികവുകണ്ട് അവളെത്തേടി നിരവധി സ്‌പോണ്‍സര്‍മാരെത്തി. എന്നാല്‍, സര്‍ഫിങ് രംഗത്തെ മുന്നോട്ടുള്ള വളർച്ചയിൽ അവളുടെ ജീവിതത്തിൽ വില്ലനായെത്തിയത് ഒരു വമ്പൻ സ്രാവാണ് . സ്രാവിന്റെ ആക്രമണത്തില്‍ ഇടതുകൈ തോളോട് ചേര്‍ന്ന് പൂര്‍ണമായും അവള്‍ക്ക് നഷ്ടപ്പെട്ടു. ഏതൊരു കായികതാരത്തേയും തകര്‍ത്തുകളയുന്ന സംഭവം. എന്നാല്‍, ആ വിധിക്ക് അവളെ തളര്‍ത്താനായില്ല.വിധിയെ തോല്‍പിച്ച്‌ ചരിത്രം രചിച്ച ബെഥനി ഹാമില്‍ട്ടൻ എന്ന പെൺകുട്ടിയുടെ കഥ ആരെയും വിസ്മയിപ്പിക്കും .1990 ഫെബ്രുവരി 8ന് ഹവായ് ദ്വീപിലാണ് ബെഥനി ജനിച്ചത്. അച്ഛന്‍ തോമസ് ഹാമില്‍ട്ടണ്‍, അമ്മ ഷെര്‍ലിന്‍ ഹാമില്‍ട്ടണ്‍. കുടുംബാംഗങ്ങള്‍ എല്ലാം സര്‍ഫിങ്ങില്‍ താത്പര്യമുള്ളവരായിരുന്നതു കൊണ്ടുതന്നെ നന്നേ ചെറുപ്പത്തില്‍ ബെഥനിക്കും സര്‍ഫിങ് പരിശീലിക്കാന്‍ അവസരം കിട്ടി. വെറും എട്ടു വയസ്സായപ്പോഴേക്കും അവള്‍ ഈ മേഖലയില്‍ മത്സരരംഗത്തേക്ക് എത്തിച്ചേര്‍ന്നു . അതിവിദഗ്ദ്ധരായ സര്‍ഫേഴ്‌സിനെ ബഹുദൂരം പിന്നിലാക്കിക്കൊണ്ടുള്ള ബെഥനിയുടെ പ്രകടനം അവൾക്ക് ആരാധകരോടൊപ്പം സ്‌പോണ്‍സര്‍മാരേയും നേടിക്കൊടുത്തു. 2003 മേയ് മാസം കാലിഫോര്‍ണിയയിലെ സാന്‍ക്ലെമിന്റല്‍ നടന്ന നാഷണല്‍ സ്‌കൊളസ്റ്റിക് സര്‍ഫിങ് അസോസിയേഷന്റെ (എന്‍.എസ്.എസ്.എ.) മത്സരത്തില്‍ ഓപ്പണ്‍ വനിതാ വിഭാഗത്തില്‍ ഈ കൊച്ചുതാരം തന്നെക്കാൾ മുതിർന്നവരെയും പിന്തള്ളി രണ്ടാം സ്ഥാനത്തെത്തി.ഇങ്ങനെ തന്റെ കഴിവും കഠിനാദ്ധ്വാനവും കൊണ്ട് പ്രശസ്തിയിലേക്ക് കുതിക്കവെയാണ് വിധി ഒരു വലിയ സ്രാവിന്റെ രൂപത്തില്‍ വില്ലനായെത്തിയത്.2003 ഒക്ടോബര്‍ 31ന് രാവിലെ 'ടണല്‍സ്' എന്ന ബീച്ചില്‍ സുഹൃത്തിനൊപ്പം സര്‍ഫിങ് പരിശീലനത്തിനെത്തിയതായിരുന്നു ബെഥനി. തന്റെ സര്‍ഫിങ് ബോര്‍ഡില്‍ കിടക്കുമ്ബോള്‍ ഇടതു തോളില്‍ വലിയ ഭാരം അനുഭവപ്പെടുന്നതായി തോന്നി, നോക്കുമ്ബോള്‍ കണ.