പാസ്പോർട്ട് കീറി കളഞ്ഞ് എയർപോർട്ട് അധികൃതരുടെ ക്രൂരത

ബോഡിംഗ് പാസ് എടുക്കാനായി പാസ്പോർട്ട് നൽകിയപ്പോഴാണ് പാസ്പോർട്ട് രണ്ട് കഷണങ്ങളായി കീറി കളഞ്ഞ കാര്യം മനസ്സിലാക്കുന്നത്.


ഈ മാസം രണ്ടിന് ദുബായിലേക്ക് പോകാൻ മംഗലാപുരം എയർപോർട്ടിലെത്തിയ തൻറെ ഭാര്യക്കും മക്കൾക്കും അധികൃതരിൽ നിന്നും നേരിടേണ്ടി വന്ന ക്രൂരതയെ കുറിച്ച് ഒരാൾ തൻറെ ഫെയിസ്ബുക്കിൽ പങ്കു വയ്ച്ചിരുന്നു . സംഭവത്തെ കുറിച്ച് അദ്ദേഹം വിവരിക്കുന്നത് ഇങ്ങനെയാണ് . ഈ മാസം രണ്ടിന് എന്റെ ഭാര്യക്ക് ഉണ്ടായ ഒരു അനുഭവം. ഇന്ന് ദുബായിലേക്കുള്ള യാത്രക്കിടയിൽ എന്റെ ഭാര്യയുടെ പാസ്പോർട്ട് രണ്ടു കഷണങ്ങളായി കീറി കളഞ്ഞു. വീട്ടിൽ നിന്ന് യാത്ര തുടങ്ങി എയർപോർട്ടിൽ കാറിൽ നിന്ന് ഇറങ്ങുന്നതുവരെ പാസ്പോർട്ട് നല്ല രീതിയിലായിരുന്നു. പാസ്പോർട്ടും ടിക്കറ്റും ആദ്യ ചെക്കിങ്ങിനായി ഉദ്യോഗസ്ഥനെ ഏൽപ്പിച്ചു. വളരെ തന്ത്രപരമായി ട്രോളി എടുക്കാൻ എന്ന് പറഞ്ഞു എന്റെ ഭാര്യയെ അവിടെ നിന്ന് ഒഴിവാക്കുകയും, തിരിച്ചു വന്നപ്പോൾ ഭാര്യയുടെയും രണ്ടു മക്കളുടെയും പാസ്പോർട്ട് തിരിച്ചുനൽകുകയും ചെയ്തു. അവിടെനിന്ന് ബോഡിംഗ് പാസ് എടുക്കാനായി പാസ്പോർട്ട് നൽകിയപ്പോഴാണ് പാസ്പോർട്ട് രണ്ട് കഷണങ്ങളായി കീറി കളഞ്ഞ കാര്യം മനസ്സിലാക്കുന്നത്.പാസ്പോർട്ട് ഇവിടെ നിന്ന് ഇങ്ങനെ സംഭവിച്ചതാണെന്ന് കരഞ്ഞു പറഞ്ഞിട്ടും അധികൃതർ ചെവിക്കൊണ്ടില്ലെന്നും ,ഒരു നിലക്കും ഈ പാസ്പോർട്ട് കൊണ്ട് യാത്ര ചെയ്യാനാവില്ല എന്ന് അധികൃതർ ശാഠ്യം പിടിച്ചതായും കുറിപ്പിൽ പറയുന്നു .രണ്ട് കൈക്കുഞ്ഞുങ്ങളുമായി യാത്രചെയ്യുന്ന എൻറെ ഭാര്യയോട് വളരെ ക്രൂരമായാണ് എയർപോർട്ട് അധികൃതർ പെരുമാറിയത്. . ഒരു സ്ത്രീയെന്ന പരിഗണന പോയിട്ട് കയ്യിൽ കൈ കുഞ്ഞു ഉണ്ട് എന്ന് മനുഷ്യത്വപരമായ പരിഗണന പോലും എയർപോർട്ട് അധികൃതർ നൽകിയില്ല.അവസാനം എയർപോർട്ടിലെ ഉന്നത ഉദ്യോഗസ്ഥരെ കാണുകയും കേണപേക്ഷിച്ചു കാര്യങ്ങൾ പറയുകയും ചെയ്തപ്പോൾ ദുബായ് എയർപോർട്ടിൽ നിന്ന് മടക്കി അയച്ചാൽ ഞങ്ങൾ ഉത്തരവാദികളല്ല എന്ന ഒരു പേപ്പറിൽ എഴുതി ഒപ്പിട്ടു തന്നാൽ മാത്രം യാത്ര തുടരാൻ സമ്മതിക്കുമെന്ന് ഉന്നത ഉദ്യോഗസ്ഥർ അറിയിച്ചു.തുടർന്ന് യാത്ര ചെയ്യുകയും, ദുബായ് എയർപോർട്ട് അധികൃതർ വളരെ മാന്യമായ രീതിയിൽ പെരുമാറുകയും അടുത്ത യാത്രയ്ക്ക് മുമ്പായി പാസ്പോർട്ട് മാറ്റണമെന്നുള്ള ഉപദേശം നൽകുകയും ചെയ്തു.മംഗലാപുരം എയർപോർട്ട് അധികൃതരുടെ ഇത്തരം ക്രൂരവിനോദങ്ങൾ ഇതാദ്യമല്ലെന്നും സമാന അനുഭവം.