ഏഷ്യയിലെ ഏറ്റവും വലിയ ലേക്ക് ഫെസ്റ്റിവൽ


ഏഷ്യയിലെ ഏറ്റവും വലിയ ലേക്ക് ഫെസ്റ്റിവലായി അറിയപ്പെടുന്നതാണ് തേഹ്റി ലേക്ക് ഫെസ്റ്റിവൽ


ഉത്തരാഖണ്ഡിലെ തേഹ്രി ലേക്ക് ഫെസ്റിവലിലേക്ക് എത്തിയാൽ സാഹസികതയും,കാഴ്ചകളുമൊക്കെ സമ്മാനിക്കുന്ന ഒരു നല്ല യാത്രയാണ് ലഭിക്കുന്നത്.സാഹസികത, നേരംപോക്ക്, അത്ഭുതം, യാത്ര....ഇതെല്ലാം ഒന്നിച്ച് ഒരിടത്ത് അനുഭവിക്കുവാൻ സാധിക്കുക എന്നത് ഇത്തിരി ബുദ്ധിമുട്ടുള്ള സംഗതിയാണ്. എന്നാൽ തേഹ്രി ലേക്ക് ഫെസ്റ്റിവലിലെത്തിയാൽ ഇതും നടക്കും. ഉത്തരാഖണ്ഡ് വിനോദ സഞ്ചാര വകുപ്പിന്റെ നേതൃത്വത്തിൽ നടത്തുന്ന തേഹ്റി ലേക്ക് ഫെസ്റ്റിവൽ ഫെബ്രുവരി മാസത്തിൽ നടക്കുന്ന പ്രധാന ആഘോഷങ്ങളിലൊന്നാണ്. ഉത്തരാഖണ്ഡിന്റെ കാഴ്ചകൾ ആസ്വദിച്ച് ഒരു യാത്രയാണ് ലക്ഷ്യമെങ്കിൽ ഇതാണ് പറ്റിയ സമയം. തേഹ്റി ലേക്ക് ഫെസ്റ്റിവലിന്റെ വിശേഷങ്ങളിലേക്ക്...
ഏഷ്യയിലെ ഏറ്റവും വലിയ ലേക്ക് ഫെസ്റ്റിവലായി അറിയപ്പെടുന്നതാണ് തേഹ്റി ലേക്ക് ഫെസ്റ്റിവൽ.
ഉത്തരാഖണ്ഡിലെ ഏറ്റവും പ്രധാനപ്പെട്ട ആഘോഷങ്ങളിലൊന്നായി അറിയപ്പെടുന്ന ഇത് ആദ്യമായാണ് തണുപ്പു കാലമായ ഫെബ്രുവരിയിൽ നടക്കുന്നത് എന്ന പ്രത്യേകതയും ഉണ്ട്.ഈ വർഷം ഫെബ്രുവരി 25,26.27 തിയ്യതികളിലാണ് തേഹ്റി ലേക്ക് ഫെസ്റ്റിവൽ നടക്കുക. ഈ സമയത്ത് ലോകത്തിന്റെ വിവിധ ഭാഗങ്ങളിൽ നിന്നും സന്ദർശകർ എത്തിച്ചേരും എന്നാണ് കരുതുന്നത്.ജലവിനോദങ്ങൾ എല്ലാം ഒരിടത്ത് ഒരൊറ്റ കുടക്കീഴിൽ ആസ്വദിക്കുവാൻ പറ്റിയ ഒരിടമായാണ് തേഹ്റി ഫെസ്റ്റിവലിനെ ആളുകൾ കാണുന്നത്. ബോട്ടിങ്ങ്, ജെറ്റ് സ്കീയിങ്ങ്, ബനാനാ റൈഡ‍്സ്, വാട്ടർ സ്കീയിങ്ങ്, സർഫിങ്ങ്, കാനോയിങ്ങ്, റോവിങ്ങ്, എയർ ഷോ. റിവർ റാഫ്ടിങ്ങ്, പാരാഗ്ലൈഡിങ്ങ്, കയാക്കിങ്ങ്, തുടങ്ങിയ കാര്യങ്ങളാണ് ഇവിടെ ഒരുക്കിയിരിക്കുന്നത്.തടാകത്തിൽ നടത്താവുന്ന സാഹസിക വിനോദങ്ങൾ കൊണ്ടു തീരുന്നതല്ല ഇവിടുത്തെ ആഘോഷങ്ങൾ.
രാവും പകലും നടക്കുന്ന സാംസ്കാരിക പരിപാടികളും ഇവിടുത്തെ മറ്റൊരു പ്രത്യേകതയാണ്.
ആഭരണങ്ങളുടെ പ്രദർശനം, യോഗ, ധ്യാനം, ലൈറ്റ് ആൻഡ് സൗണ്ട് ഷോ, ആർട്ടിസ്റ്റ് ക്യാംപ് തുടങ്ങിയവയെല്ലാം ഇതിന്‍റെ മാത്രം പ്രത്യേകതയാണ്. പരിപാടികൾ അവതരിപ്പിക്കുവാനായി എത്തിച്ചേരുന്ന ബോളിവുഡ് താരങ്ങളാണ് തേഹ്റി ലോക്ക് ഫെസ്റ്റിവലിന്റെ മറ്റൊരു ആകർഷണം. മുൻനിര താരങ്ങളുടെ പരിപാടികൾക്കാണ് ഇവിടെ കൂടുതലും ആരാധകർ പങ്കെടുക്കാനെത്തുന്നത്.പ്രകൃതിയോട് ചേർന്നു നടത്തുന്ന ആഘോഷങ്ങളാണ് തേഹ്റി ലേക്.