കത്രിക കൊണ്ട് തലയിൽ ചിത്രങ്ങൾ വരയ്ക്കുന്ന കലാകാരൻ

മുടിവെട്ടാനെത്തുന്നവരുടെ ആവശ്യമനുസരിച്ച് പ്രശസ്തരായ ആളുകളുടെ രൂപങ്ങളാണ് ഇദ്ദേഹം തലമുടിയിൽ വെട്ടി ഒരുക്കുന്നത്


കത്രിക കൊണ്ട് തലയിൽ മനോഹരമായ ചിത്രങ്ങൾ വരയ്ച്ച് വാർത്തകളിൽ താരമായിരിക്കുകയാണ് ആന്‍റണി റയസ്എന്ന വ്യക്തി .സാധാരണ കലാകാരന്മാർ ബ്രഷും പെൻസിലുമൊക്കെ ഉപയോഗിച്ചാണ് ചിത്രങ്ങൾ വരയ്ക്കുന്നത്.എന്നാൽ അതിൽ നിന്നെല്ലാം വ്യത്യസ്തമായി കരീബിയൻ ദ്വീപായ പ്യൂർട്ടോ റിക്കയിൽ കത്രികകൊണ്ട് ചിത്രങ്ങൾ വരയ്ക്കുന്ന ഒരാളുണ്ട്. ഇദ്ദേഹം ഒരു ചിത്രകാരനല്ല, ബാർബറാണ്. ആന്‍റണി റയസ് എന്നാണ് ഇദ്ദേഹത്തിന്‍റെ പേര്. തന്‍റെ കടയിൽ മുടിവെട്ടാനെത്തുന്നവരുടെ തലയിൽ തങ്ങളുടെ പ്രിയപെട്ടവരുടെ മുഖങ്ങൾ കത്രിക ഉപയോഗിച്ച് നിർമിച്ച് കൊടുക്കും .ഇന്ന് ഏറെ പേരും വ്യത്യസ്തമായ ഹെയർസ്റ്റൈലുകൾ പരീക്ഷിക്കുന്നവരാണ് .അതുകൊണ്ട് തന്നെ ആന്‍റണി റയാസിന്റെ പുതിയ ഹെയർകട്ട് സ്റ്റൈൽ ട്രെന്ഡായിരിക്കുകയാണ് .മുടിവെട്ടാനെത്തുന്നവരുടെ ആവശ്യമനുസരിച്ച് പ്രശസ്തരായ ആളുകളുടെ രൂപങ്ങളാണ് ഇദ്ദേഹം തലമുടിയിൽ വെട്ടി ഒരുക്കുന്നത് .ആവശ്യമെങ്കിൽ ചിത്രങ്ങൾക്ക് പൂർണത വരാൻ പലതരം ഡൈകളും ഉപയോഗിക്കും.കഴിഞ്ഞ ദിവസം ഇവിടെ മുടിവെട്ടാൻ എത്തിയ ഒരാളുടെ ആവശ്യ പ്രകാരം പ്രശസ്ത ഗായകനും ഗാന രചയിതാവുമായ ലിൻ മാനുവൽ മിറാൻഡയുടെ ചിത്രം അയാളുടെ തലയിൽ വെട്ടിക്കൊടുത്തു. അയാൾ തന്‍റെ തലയുടെ ചിത്രങ്ങൾ സമൂഹമാധ്യമങ്ങളിൽ പങ്കുവയ്ക്കുകയും സാക്ഷാൽ മിറാൻഡ തന്നെ ഈ ചിത്രങ്ങൾ കാണുകയും ചെയ്തു.തന്‍റെ ചിത്രം ഇത്ര ഭംഗിയായി തലമുടിയിൽ തീർത്ത കലാകാരനെ കാണാൻ മിറാൻഡ നേരിട്ടെത്തിയിരുന്നു.കഴിഞ്ഞ 23 വർഷമായി ആന്‍റണി ബാർബറായി ജോലി ചെയ്യുകയാണ്. എന്നാൽ ആളുകളുടെ ചിത്രങ്ങൾ തലയിൽ വരച്ചുനൽകാൻ തുടങ്ങിയിട്ട് അഞ്ചു വർഷമെ ആയിട്ടുള്ളു.
ബോബ് മാർലിയുടേതടക്കം നിരവധി പ്രശസ്തരുടെ ജീവൻ തുടിക്കുന്ന ചിത്രങ്ങൾ ഇദ്ദേഹം പലരുടെയും തലമുടിയിൽ വെട്ടി നൽകിയിട്ടുണ്ട്.
Subscribe to News60 :https://goo.gl/VnRyuF Read: http://www.news60.in/ https://www.facebook.com/news60malayalam/

Barber shaves celebrities ' faces into clients' hair.