മോഡിഫൈ ചെയ്ത റോയല്‍ എന്‍ഫീല്‍ഡ് ഹിമാലയന്‍ ഡാക്കാര്‍

ബാങ്കോക് മോട്ടോര്‍സൈക്കിള്‍ ഷോയില്‍ ഹിമാലയന്‍ ഡാക്കാര്‍ എഡിഷനെ റോയല്‍ എന്‍ഫീല്‍ഡ് അവതരിപ്പിച്ചത് മോഡിഫൈ ചെയ്ത രൂപത്തിൽ

ഇന്ത്യയിലെന്നല്ല വിദേശരാജ്യങ്ങളിലും മോഡിഫൈ ചെയ്ത റോയല്‍ എന്‍ഫീല്‍ഡ് ബൈക്കുകള്‍ക്ക് ആരാധകരേറെയാണ്.പുതിയ ടാങ്ക് പാനലുകള്‍, പരിഷ്‌കരിച്ച ഹെഡ്‌ലാമ്പ് ഘടന, പുത്തന്‍ ക്രാഷ് ഗാര്‍ഡ് എന്നിവയിലെല്ലാം തന്നെ കെടിഎം 990 അഡ്വഞ്ചറിനെ പകര്‍ത്താന്‍ ഡാക്കാര്‍ എഡിഷന്‍ ഹിമാലയന്‍ കിണഞ്ഞുശ്രമിക്കുന്നു.നിലവിലുള്ള 411 സിസി എയര്‍ കൂള്‍ഡ് ഒറ്റ സിലിണ്ടര്‍ എഞ്ചിന്‍ തന്നെ മോഡലില്‍ തുടരുന്നു. നാലു സ്‌ട്രോക്ക് എഞ്ചിന് 24.5 bhp കരുത്തും 32 Nm torque ഉം പരമാവധി സൃഷ്ടിക്കാനാവും.

മണിക്കൂറില്‍ 130 കിലോമീറ്ററാണ് ഹിമാലയന് റോയല്‍ എന്‍ഫീല്‍ഡ് നിശ്ചയിച്ചിരിക്കുന്ന പരമാവധി വേഗം.

അഞ്ചു സ്പീഡ് മാനുവല്‍ ഗിയര്‍ബോക്‌സ് ബൈക്കില്‍ സ്റ്റാന്‍ഡേര്‍ഡ് ഫീച്ചറാണ്. സ്റ്റാന്‍ഡേര്‍ഡ് ഫീച്ചറുകളുടെ പട്ടികയില്‍ തന്നെയാണ് മുന്‍ പിന്‍ ടയറുകളിലെ ഡിസ്‌ക് ബ്രേക്കുകളും. ഹിമാലയന്റെ ഇന്ത്യന്‍ പതിപ്പിന് എബിഎസില്ലെങ്കിലും രാജ്യാന്തര വിപണിയില്‍ മോഡല്‍ എത്തുമ്പോള്‍ ഇരട്ട ചാനല്‍ എബിഎസ് സ്റ്റാന്‍ഡേര്‍ഡ് ഫീച്ചറാണ്. എന്തായാലും പുതിയ സുരക്ഷാ നിര്‍ദ്ദേശങ്ങള്‍ പ്രാബല്യത്തില്‍ വരുന്നതോടുകൂടി ഹിമാലയന് എബിഎസിനെ നല്‍കാന്‍ ഇന്ത്യയില്‍ കമ്പനി നിര്‍ബന്ധിതരാകും. 2019 ഏപ്രിലിനകം 125 സിസിക്ക് മുകളിലുള്ള ഇരുചക്ര വാഹനങ്ങളില്‍ എബിഎസ് സുരക്ഷ കര്‍ശനമായി ഇടംപിടിക്കണമെന്ന് കേന്ദ്ര സര്‍ക്കാര്‍ അറിയിച്ചു കഴിഞ്ഞു. 1.70 ലക്ഷം രൂപ മുതലാണ് മോഡലിന് വില.

Royal Enfield Himalayan Dakar edition showcased.