വാര്‍ധക്യ പെന്‍ഷന്‍ ദുരുതാശ്വാസത്തിലേക്ക് നല്‍കി 80 അമ്മമാര്‍

വാര്‍ധക്യ പെന്‍ഷന്‍ ദുരുതാശ്വാസത്തിലേക്ക് നല്‍കി 80 അമ്മമാര്‍, ഉംറ നിര്‍വഹിക്കാന്‍ മാറ്റിവെച്ച തുക നല്‍കി മറിയം

വാര്‍ധക്യ പെന്‍ഷനും ഉംറ നിര്‍വഹിക്കാന്‍ മാറ്റിവെച്ച പണവും മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്‍കി മഞ്ചേരി നഗരസഭയിലെ 80 അമ്മമാര്‍

വാര്‍ധ്യക്യത്തിന്റെ അവശതകള്‍ക്കിടയില്‍ ജീവിക്കാന്‍ ലഭിക്കുന്ന വാര്‍ധ്യക്യ പെന്‍ഷന്‍ മുഴുവന്‍ മഞ്ചേരി നഗരസഭയിലെ 80 പേരും മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്‍കുകയായിരുന്നു.ജീവിക്കാന്‍ മറ്റു വഴികളുണ്ടായിട്ടല്ല, ഈ പെന്‍ഷന്‍ പണം പ്രതീക്ഷിച്ചു പല കാര്യങ്ങളും സ്വപ്‌നം കണ്ടതാണ്. പക്ഷേ പ്രളയത്തില്‍ നിസ്സഹായരായ ഒരു വലിയ സമൂഹത്തിനു മുന്നില്‍ ഇവര്‍ തങ്ങളുടെ കഷ്ടതകളെല്ലാം മറക്കുകയായിരുന്നു. തിരൂരങ്ങാടിയിലെ സിഎച്ച് മറിയത്തിന്‍റെ ജീവിതത്തിലെ ഏറ്റവും വലിയ ആഗ്രഹമായിരുന്നു മക്കയില്‍ പോയി ഉംറ നിര്‍വഹിക്കല്‍. അതിനായി വര്‍ഷങ്ങളോളമെടുത്ത് പണം മാറ്റി വെക്കുകയും ചെയ്തിരുന്നു. ജീവിക്കാന്‍ കൊതിക്കുന്ന കുറേ നല്ല മനുഷ്യര്‍ക്കായി മറിയം ആ സ്വപനം താത്കാലികമായി ഉപേക്ഷിക്കുകയായിരുന്നു. കഴിഞ്ഞ ദിവസം മലപ്പുറം ജില്ലാ കലക്ടറുടെ മുന്നിലെത്തിയ ഇവര്‍ പണം മുഖ്യമന്ത്രിയുടെ ദുരിതാശ്വാസ നിധിയിലേക്ക് ഏല്‍പിച്ചു.
Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

pension donated to kerala by old age people.