കേരളത്തിന് സഹായവുമായി ലിവര്‍പൂളും

കേരളത്തിന് സഹായ നല്‍കുമെന്ന് വാഗ്ദാനം ചെയ്ത് ഇംഗ്ലീഷ് പ്രീമിയര്‍ ലീഗിലെ മികച്ച ക്ലബ്ബുകളിലൊന്നായ ലിവര്‍പൂള്‍


പ്രളയം നേരിട്ടുകൊണ്ടിരിക്കുന്ന കേരളത്തിന് സഹായ നല്‍കുമെന്ന് വാഗ്ദാനം ചെയ്ത് ഇംഗ്ലീഷ് പ്രീമിയര്‍ ലീഗിലെ ഏറ്റവും മികച്ച ക്ലബ്ബുകളിലൊന്നായ ലിവര്‍പൂള്‍. യു വില്‍ നെവര്‍ വാക്ക് എലോണ്‍ എന്നാണ് കേരളത്തിന് ലിവര്‍പൂളിന്റെ കരുതല്‍. കേരളത്തില്‍ ലിവര്‍പൂളിന്റെ ഔദ്യോഗിക ആരാധക കൂട്ടായ്മയായ കേരള റെഡ്‌സിനോടാണ് സഹായം നല്‍കുമെന്ന് ലിവര്‍പൂള്‍ ഉറപ്പ് നല്‍കിയിരിക്കുന്നത്.മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നല്‍കാന്‍ അഭ്യര്‍ത്ഥിച്ച് കേരള റെഡ്‌സ് ട്വിറ്ററില്‍ നടത്തിയ കാംപെയിന്‍ ലിവര്‍പൂള്‍ ക്ലബ്ബ് സിഇഒയുടെ ശ്രദ്ധയില്‍ പെടുകയും അദ്ദേഹം ഇക്കാര്യത്തില്‍ സഹായം ഉറപ്പാക്കുകയുമായിരുന്നു. ക്ലബ്ബിന്റെ അന്തര്‍ദേശീയ ആരാധക കൂട്ടായ്മയുടെ പ്രതിനിധികള്‍ കേരള റെഡ്‌സ് ആരാധകരുമായി ഉടന്‍ ബന്ധപ്പെടുമെന്നും വേണ്ട സഹായങ്ങള്‍ നല്‍കുമെന്നും ക്ലബ്ബ് സിഇഒ പീറ്റര്‍ മൂര്‍ വ്യക്തമാക്കി.നേരത്തെ ദുരിതത്തില്‍പെട്ടവര്‍ക്ക് ഐക്യദാര്‍ഢ്യവുമായി സ്പാനിഷ് ക്ലബ്ബ് ബാഴ്‌സലോണ രംഗത്ത് വന്നിരുന്നു. സൂപ്പര്‍ താരങ്ങളുടെ ചിത്രങ്ങള്‍ക്കും മറ്റും സഹായഭ്യാര്‍ത്ഥന കമന്റുകളാണ് നല്‍കുന്നത്. വമ്പന്‍ ക്ലബ്ബുകളുടെയും താരങ്ങളുടെയും സോഷ്യല്‍ മീഡിയയില്‍ കേരളത്തിന്റെ അവസ്ഥ കാണിച്ച് എന്തെങ്കിലും സഹായം ചെയ്യാന്‍ സാധിക്കുമോ എന്ന് അഭ്യര്‍ത്ഥിച്ച് നിരവധിയാളുകളാണ് രംഗത്ത് വരുന്നത്.
Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

liverpool rises helping hand for flood affected kerala.