കേരളത്തിന്‍റെ അതിജീവനത്തിന് ധനസഹായവുമായി ട്രാന്‍സ്‌ജെന്‍ഡേഴ്‌സും. ദുരിതാശ്വാസ നിധിയിലേക്ക് അരലക്ഷം രൂപ സംഭാവന നല്‍കി. മുഖ്യമന്ത്രിയുടെ ദുരിതാശ്വാസ നിധിയിലേക്ക് അരലക്ഷം രൂപയാണ് ധനസഹായമായി ഇവര്‍ നല്‍കിയത്. സമൂഹത്തില്‍ നിന്ന് പലപ്പോഴും അവഗണന നേരിട്ടിട്ടുള്ള ഇവർ ദുരിതബാധിതര്‍ക്കായി അവരാലാകുന്ന സഹായം മുഖ്യമന്ത്രിയുടെ ദുരിതാശ്വാസനിധിയിലേക്ക് നല്‍കിയതിന് ഏറെ അഭിനന്ദനങ്ങളാണ് സോഷ്യൽമീഡിയയിൽ ഇവർക്ക് ലഭിക്കുന്നത്.ട്രാന്‍സ്‌ജെന്‍ഡേഴ്‌സിനോട് പിണറായി സര്‍ക്കാര്‍ കാണിച്ച സ്നേഹവായ്പ്പിനും പരിഗണനയ്ക്കുമുള്ള കടപ്പാട് അറിയിച്ചു കൊണ്ടാണ് രഞ്ചു രഞ്ചിമര്‍, ശീതള്‍ ശ്യാം, സൂര്യ എന്നിവര്‍ ചെക്കുമായെത്തിയത്. മന്ത്രി ഇപി ജയരാജന്റെ കൈയ്യിലേക്കാണ് ചെക്ക് കൈമാറിയത്. നവകേരളസൃഷ്ടിക്ക് ട്രാന്‍സ്ജെന്‍ഡേഴ്സിന്റെ സഹായം തുകയുടെ വലിപ്പത്തിനുമപ്പുറം വിലമതിക്കുന്നതാണെന്ന് ഇപി ജയരാജന്‍ പറഞ്ഞു.

Financial support by transgenders to Kerala floods victims.