മകൾക്ക് മുന്നിൽ അഭിമാനത്തോടെ അച്ഛന്‍

മേലുദ്യോഗസ്ഥയായ മകൾക്ക് മുന്നിൽ അഭിമാനത്തോടെ സല്യൂട്ട് അടിച്ച് അച്ഛന്‍

പൊലീസ് ഡെപ്യൂട്ടി കമ്മീഷണർ എ​ ആർ ഉമാമഹേശ്വര ശർമ്മയാണ് മകൾക്ക് മുന്നിൽ അഭിമാനത്തോടെ സല്യൂട്ട് അടിച്ചത്. പൊലീസ് സൂപ്രണ്ട് സിന്ധു ശർമ്മയ്ക്കാണ് പിതാവായ ഡെപ്യൂട്ടി പൊലീസ് കമ്മീഷണർ സല്യൂട്ട് നൽകിയത്.പൊതുയിടത്ത് വച്ചാണ് ഡെപ്യൂട്ടി പൊലീസ് കമ്മീഷണറും ഐ പി എസ്സുകാരനുമായ ഉമാമഹേശ്വര ശർമ്മ മകളെ സല്യൂട്ട് ചെയ്ത് ആദരിച്ചത്. തെലുങ്കാനയിലെ ഉൾപ്രദേശത്ത് നടന്ന തെലുങ്കാന രാഷ്ട്രീയ സമിതിയുടെ പൊതുസമ്മേളന സ്ഥലത്ത് വച്ചാണ് നിരവധിയാളുകളുടെ മുന്നിൽ അച്ഛൻ മകളെ സല്യൂട്ട് ചെയ്തത്.മൂന്ന് ദശകത്തിലേറെയായി പൊലീസ് സർവ്വീസിലുളള ശർമ്മയുടെ മകൾ സർവ്വീസിൽ കയറിയിട്ട് നാല് വർഷം കഴിയുന്നതേയുള്ളൂ. ഇന്നലെയാണ് ഇരുവരും മുഖാമുഖം കണ്ടത്. മകളെ കണ്ടപ്പോൾ ഡി സി പി കടമ മറന്നില്ല, സല്യൂട്ട് ചെയ്തു.

Father proudly saluted his superior daughter.