പ്രോട്ടോകോള്‍ മാറ്റിവെച്ച് അരിച്ചാക്കുകള്‍ തലച്ചുമടാക്കി

രാജമാണിക്യവും സബ്കളക്ടറും


പ്രോട്ടോകോളും പദവിയും മാറ്റിവെച്ച് അരിച്ചാക്കുകള്‍

തലച്ചുമടാക്കി എം.ജി രാജമാണിക്യവും സബ്കളക്ടറും



ദുരിതാശ്വാസ ക്യാമ്പുകളില്‍ വിതരണം ചെയ്യുന്നതിനായി

വയനാട് കളക്ടറേറ്റിലെത്തിയ അരിച്ചാക്കുകള്‍

പ്രോട്ടോകോളും പദവിയും മാറ്റിവെച്ച് എം.ജി

രാജമാണിക്യവും സബ്കളക്ടറും ചേര്‍ന്ന് തലച്ചുമടായി ഇറക്കി.

തിങ്കളാഴ്ച രാത്രിയായിരുന്നു സംഭവം.ദുരിതാശ്വാസ

പ്രവര്‍ത്തനങ്ങളുടെ ഏകോപന ചുമതലയുള്ള എം.ജി

രാജമാണിക്യവും വയനാട് സബ് കളക്ടര്‍ എന്‍.എസ്.കെ

ഉമേഷും തലക്കനം ഇറക്കിവെച്ച് അരിച്ചാക്ക് തലയില്‍ ചുമന്ന്

ഉദ്യോഗസ്ഥര്‍ക്ക് മാതൃകയായിരിക്കുകയാണ്. ജില്ലയിലെ

ദുരിതാശ്വാസ ക്യാമ്പുകള്‍ സന്ദര്‍ശിച്ചശേഷം ഇരുവരും

കളക്ടറേറ്റില്‍ മടങ്ങിയെത്തിയത് രാത്രി 9.30യോടെയാണ്.

ഈ സമയം രാവിലെ മുതല്‍ ജോലി ചെയ്ത് ക്ഷീണിതരായ പല

ജീവനക്കാരും വിശ്രമിക്കാന്‍ പോയിരിക്കുകയായിരുന്നു.

ദുരിതാശ്വാസ ക്യാമ്പുകളിലെത്തിക്കാനുള്ള ഒരു ലോഡ് അരി

ഈ സമയം കളക്ടറേറ്റിലെത്തി. അവിടെ കുറച്ച് ജീവനക്കാരെ

ഉള്ളൂവെന്ന് മനസിലാക്കിയ രാജമാണിക്യവും ഉമേഷും

അവര്‍ക്കൊപ്പം ചേര്‍ന്ന് ലോഡിറക്കുകയായിരുന്നു.ലോഡ്

മുഴുവന്‍ ഇറക്കിയതിനു ശേഷം മാത്രമാണ് ഇരുവരും

പോയത്.ഉയര്‍ന്ന പദവിയില്‍ ഇരുന്നിട്ടും അത്

വകവെയ്ക്കാതെ സഹായമനസ്‌കതയോടെ

സമയോചിതമായി പ്രവര്‍ത്തിച്ച ഉദ്യോഗസ്ഥരെ അഭിന്ദനം

കൊണ്ട് മൂടുകയാണ് വയനാട്ടിലെ നാട്ടുകാരും സോഷ്യല്‍

മീഡിയയും.
Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

unloading rice sacks at wayanad sub collector and rajamanikyam.