ഭിക്ഷക്കാരിയുടെ ശവസംസ്കാരചടങ്ങുകള്‍ നടത്തിയത് എംഎല്‍എ

ഗ്രാമത്തിലെ ഭിക്ഷക്കാരി അസുഖബാധിതയായി മരിച്ചപ്പോള്‍ അന്ത്യചടങ്ങുകള്‍ ചെയ്തത് സ്ഥലം എംഎല്‍എ

ഗ്രാമത്തിലെ ഭിക്ഷക്കാരി അസുഖബാധിതയായി മരിച്ചപ്പോള്‍ ഏറ്റെടുക്കാനാരും മുന്നോട്ട് വരാത്തതിനെ തുടര്‍ന്ന് അന്ത്യചടങ്ങുകള്‍ ചെയ്തത് സ്ഥലം എംഎല്‍എ

ഒഡീഷയിലെ ജര്‍സുഗുഡ ജില്ലയിലെ അമനപാലി ഗ്രാമത്തിലാണ് സംഭവം. സമുദായഭ്രഷ്ട് ഭയന്ന് ഗ്രാമവാസികളാരും ഭിക്ഷക്കാരിയുടെ മൃതദേഹം ഒന്ന് ചുമക്കാന്‍ പോലും തയ്യാറാകാതെ മാറി നിന്നപ്പോഴാണ് രമേശ് പദുവ എന്ന ബിജെഡി എംഎല്‍എ ശവസംസ്കാര ചടങ്ങുകള്‍ നടത്താന്‍ മുന്നിട്ടിറങ്ങിയത്. ഗ്രാമവാസികള്‍ നല്‍കുന്ന നാണയത്തുട്ടുകള്‍ കൊണ്ടും, ഭക്ഷണം കൊണ്ടും ജീവിച്ച സ്ത്രീയാണ് മരിച്ച ഭിക്ഷക്കാരി. അസുഖം ബാധിച്ച് മരിച്ച മറ്റ് സമുദായക്കാരിയായ സ്ത്രീയുടെ മൃതശരീരം ആരും ഏറ്റെടുക്കാത്തതിനെ തുടര്‍ന്ന് പൊലീസ് സ്റ്റേഷനില്‍ നിന്ന് സ്ഥലം എംഎല്‍എയെ വിവരം അറിയിക്കുകയായിരുന്നു.രമേശ് പദുവയുടെ നിയോജക മണ്ഡലത്തില്‍പ്പെടുന്ന സ്ഥലമല്ല, അമനപാലി. പക്ഷേ തന്റെ മുന്നിലുള്ള പ്രശ്നം പരിഹരിക്കാന്‍ അതൊന്നും അദ്ദേഹത്തിന് തടസ്സമായില്ല. ശവസംസ്കാര ചടങ്ങുകള്‍ക്കായുള്ള കാര്യങ്ങള്‍ ചെയ്യാന്‍ തന്റെ രണ്ടു ബന്ധുക്കളെ പറഞ്ഞയക്കുകയാണ് അദ്ദേഹം ആദ്യം ചെയ്തത് തുടര്‍ന്ന് എംഎല്‍എ സ്ഥലത്തെത്തുകയും ശവസംസ്കാര ചടങ്ങുകള്‍ നടത്താന്‍ തീരുമാനിക്കുകയായിരുന്നു. രംഗലി നിയോജക മണ്ഡലത്തിലെ എംഎല്‍എയാണ് രമേശ് പദുവ. ഒഡീഷയിലെ തന്നെ സാമ്പത്തികമായി താഴ്ന്ന ജീവിതസാഹചര്യങ്ങളില്‍ നിന്ന് വന്ന എംഎല്‍എയായ അദ്ദേഹം ഇപ്പോഴും വാടകവീട്ടിലാണ് താമസം.
Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

mla performs last rites of a beggar.