ദുരിതത്തില്‍ കമ്പിളിയുടെ കൈത്താങ്ങ്‌ നല്‍കി മറുനാട്ടുകാരന്‍



കമ്പിളി പുതപ്പുകള്‍ പേമാരി ദുരിത ബാധിതര്‍ക്ക് സൗജന്യമായി നല്‍കി മധ്യപ്രദേശുകാരനായ യുവാവ്



വില്‍ക്കാന്‍ കൊണ്ടുവന്ന കമ്പിളി പുതപ്പുകള്‍ സൗജന്യമായി പേമാരി ദുരിത ബാധിതര്‍ക്ക് നല്‍കി വിഷ്ണു എന്ന മധ്യപ്രദേശുകാരനായ യുവാവ് .കണ്ണൂര്‍ ജില്ലയിലെ ഇരിട്ടി താലൂക്ക് ഓഫീസില്‍ കമ്പിളി വില്‍ക്കാന്‍ എത്തിയതായിരുന്നു മധ്യപ്രദേശുകാരനായ വിഷ്ണു എന്ന യുവാവ്. താലൂക്ക് ഓഫീസിലെ ജീവനക്കാര്‍ നാട്ടിലെ മഴദുരിതത്തെക്കുറിച്ച് വിഷ്ണുവുമായി സംസാരിച്ചിരുന്നു. ഇതോടെ ദുരിതത്തിന്‍റെ ആഴം മനസിലാക്കിയ വിഷ്ണു വില്പനക്കായി തന്റെ കയ്യിലുണ്ടായിരുന്ന പുതപ്പുകള്‍ ദുരിത ബാധിതര്‍ക്ക് നല്‍കാന്‍ തയ്യാറാകുകയായിരുന്നു. മാങ്ങോട് നിര്‍മ്മല എല്‍പി സ്‌കൂളില്‍ പ്രവര്‍ത്തിക്കുന്ന ദുരിതാശ്വാസ ക്യാമ്പിലാണ് വിഷ്ണു കമ്പിളി വിതരണം ചെയ്തത്.51 കമ്പിളികള്‍ അടങ്ങിയ കെട്ടാണ് വിഷ്ണു ഇവിടെ നല്‍കിയത്. ഇതേസമയം ദുരന്ത നിവാരണ പ്രവര്‍ത്തനങ്ങള്‍ നിരീക്ഷിക്കാന്‍ എത്തിയ ജില്ലകളക്ടര്‍ മിര്‍ മുഹമ്മദലി കമ്പളിപുതപ്പുകള്‍ ഏറ്റുവാങ്ങി. വിഷ്ണുവിന്റെ വാര്‍ത്ത പത്രങ്ങളില്‍ പ്രദേശിക എഡിഷനുകളില്‍ വാര്‍ത്തയായെങ്കിലും, പിന്നീട് ഈ വാര്‍ത്ത സോഷ്യല്‍ മീഡിയ ഏറ്റെടുത്തു. പിന്നീട് ചിലര്‍ വിഷ്ണുവിന്റെ ഫോട്ടോ ഫേസ്ബുക്കില്‍ ഇട്ടതോടെ സോഷ്യല്‍ മീഡിയയില്‍ ഹീറോയായി മാറി ഈ യുവാവ്.
Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

A handful of suffering.