വിമാനത്തിലും കിടന്നുറങ്ങാം...!!!

വീട്ടിലെ പോലെ ഇനി വിമാനത്തിലും സുഖമായി കിടന്നുറങ്ങാം

യൂറോപ്യന്‍ എയര്‍ക്രാഫ്റ്റ് വമ്പന്മാരായ എയര്‍ബസ് ആണ് വിമാനങ്ങളിലെ കാര്‍ഗോ സ്‌പേസ് കിടക്കയും വിരിയുമൊക്കെ ഉള്‍പ്പെടുത്തി ഡെക്കുകളാക്കി മാറ്റി പുതിയ പരീക്ഷണത്തിനൊരുങ്ങുന്നത്.2020ഓടെ എയര്‍ബസിന്റെ എ 330 വൈഡ് ബോഡി ജെറ്റ് വിമാനങ്ങളില്‍ യാത്രക്കാര്‍ക്കായി ഉറക്കമുറികളുണ്ടാകുമെന്നാണ് കമ്പനിയുടെ അവകാശവാദം.ഫ്രഞ്ച് എയറോസ്‌പേസ് കമ്പനിയായ സോഡിയാകുമായി സഹകരിച്ചാണ് ഈ സ്ലീപ്പര്‍ കംപാര്ട്ട്‌മെന്റുകള്‍ നിര്‍മ്മിക്കുക.യാത്രക്കാരുടെ സൗകര്യം വര്‍ദ്ധിപ്പിക്കുക എന്നതാണ് തങ്ങളുടെ ലക്ഷ്യമെന്നും കമ്പനി അറിയിച്ചു.അതേസമയം എയര്‍ ന്യൂസിലാന്‍ഡ് വിമാനക്കമ്പനി കുഞ്ഞുങ്ങള്‍ക്കൊപ്പം അമ്മമാര്‍ക്കും കിടക്കാനുള്ള സൗകര്യം ഒരുക്കി മാധ്യമശ്രദ്ധനേടി കഴിഞ്ഞു Skycouch എന്ന പേരില്‍ കമ്പനി ഒരുക്കിയിരിക്കുന്ന സീറ്റിംഗ് സംവിധാനത്തിലൂടെ കുഞ്ഞുങ്ങള്‍ക്കും അമ്മമാര്‍ക്കും ഒരുമിച്ച് കിടന്നുറങ്ങാന്‍ സാധിക്കും.ദമ്പതികള്‍ക്കും സ്‌കൈ കൗച്ച് സംവിധാനം ഒരുക്കുന്നുണ്ട്. മറ്റ് യാത്രക്കാര്‍ക്ക് ഈ സീറ്റുകളുള്ള ഭാഗത്തേക്ക് പ്രവേശനം അനുവദിക്കില്ല. ഇത്തരത്തില്‍ സ്‌കൈ കൗച്ച് സൗകര്യം ആവശ്യമുള്ളവര്‍ മുന്‍കൂട്ടി ബുക്ക് ചെയ്യണം. കിടക്കാനായി തലയിണയും വിമാനക്കമ്പനി നല്‍കും.വിമാനങ്ങളില്‍ എക്കണോമിക് ക്ലാസ് യാത്രികര്‍ക്ക് സ്ലീപിംഗ് ബര്ത്തുകള്‍ എന്ന ആശയം 2016 നവംബറില്‍ എയര്‍ഫ്രാന്‍സ് കെഎല്‍എം മുന്നോട്ട് വെച്ചിരുന്നു
Subscribe to News60 :https://goo.gl/VnRyuF
Read: http://www.news60.in/
https://www.facebook.com/news60ml/

Airbus To Offer Luxurious Sleeping Berths In Cargo Hold Of Its Planes.