അവതാറിന്റെ 4ന്റെ ലൊക്കേഷന്‍...???

അവതാറിന്റെ 4 ഭാഗത്തിന് ലൊക്കേഷന്‍ കണ്ടെത്തി ജെയിംസ് കാമറൂണ്‍

മനുഷ്യരും പണ്ടോരയിലെ നവി വംശക്കാരും തമ്മിലുള്ള പോരാട്ടത്തിന്റെ കഥ പറഞ്ഞ ഹോളിവുഡ് ചിത്രം അവതാറിന്റെ നാലാം ഭാഗത്തിന് ലൊക്കേഷന്‍ കണ്ടെത്തിയതായി പ്രഖ്യാപനം. വടക്കന്‍ യൂറോപ്യന്‍ രാജ്യമായ എസ്റ്റോണിയയിലെ നവി ഗ്രാമമാണ് സംവിധായകന്‍ ജെയിംസ് കാമറൂണ്‍ അവതാര്‍ 4 ചിത്രീകരിക്കാന്‍ തിരഞ്ഞെടുത്തിരിക്കുന്നത്.അവതാറിന്റെ രണ്ടും മൂന്നും ഭാഗങ്ങള്‍ അണിയറയില്‍ ഒരുങ്ങുകയാണ്. രണ്ടാം ഭാഗം അടുത്ത വര്‍ഷം റിലീസ് ചെയ്യുമെന്നാണ് പ്രതീക്ഷിക്കപ്പെടുന്നത്. ഇതിനിടയിലാണ് അവതാര്‍ 4 ന്റെ ചിത്രീകരണം നടക്കുന്ന സ്ഥലം കൂടി കണ്ടെത്തിയതായി വാര്‍ത്തകള്‍ വരുന്നത്. 2024ല്‍ റിലീസ് ചെയ്യുമെന്നാണ് റിപ്പോര്‍ട്ടുകള്‍.അവതാര്‍ 2009ലാണ് ആദ്യമായി കാമറൂണ്‍ വെള്ളിത്തിരയിലെത്തിച്ചത്. 2.7 ദശലക്ഷം ഡോളാണ് ചിത്രം തിയേറ്ററില്‍ നിന്ന് വാരിയത്.ബോക്സ് ഓഫീസില്‍ ചരിത്രം സൃഷ്ടിച്ച ചിത്രത്തിന്റെ വരാനിരിക്കുന്ന നാല് ഭാഗങ്ങളുടെ റിലീസ് തിയതിയും പ്രഖ്യാപിച്ചിട്ടുണ്ട്. ഇതനുസരിച്ച് മൂന്നാം ഭാഗം 2021 ഡിസംബര്‍ പതിനേഴിനും നാലാം ഭാഗം 2024 ഡിസംബര്‍ 20നും അഞ്ചാം ഭാഗം 2025 ഡിസംബര്‍ പത്തൊന്‍പതിനുമായിരിക്കും റിലീസ് ചെയ്യുക. ലൈറ്റ് സ്റ്റോം കമ്പനിയുടെ ബാനറില്‍ കാമറൂണും ജോന്‍ ലാന്‍ഡ്യുവും ചേര്‍ന്നാണ് ചിത്രങ്ങള്‍ നിര്‍മിക്കുന്നത്.

Subscribe to News60 :https://goo.gl/VnRyuF
Read: http://www.news60.in/
https://www.facebook.com/news60ml/

James Cameron to film “Avatar 4” in Estonia.