പാസ്‌വേര്‍ഡ് മാറ്റിക്കോ......

ട്വിറ്റര്‍ പാസ്‌വേര്‍ഡ് ഉടന്‍ മാറ്റണമെന്ന് അധികൃതര്‍


ഫേസ്ബുക്കിനു പിന്നാലെ സാമൂഹ്യമാധ്യമമായ ട്വിറ്ററിലും വന്‍ സുരക്ഷ വീഴ്ച.

ലോകത്താകമാനമുള്ള 330 മില്യണ്‍ ഉപയോക്താക്കളോട് പാസ്‌വേര്‍ഡ് മാറ്റണമെന്നാണ് കമ്പനി ആവശ്യപ്പെട്ടിരിക്കുന്നത്. കമ്പനിയുടെ സെര്‍വറിലെ പാസ്‌വേര്‍ഡുകള്‍ക്ക് സുരക്ഷയില്ലെന്ന് അന്വേഷണത്തില്‍ കണ്ടെത്തിയതിനെ തുടര്‍ന്നാണ് ഇത് മാറ്റാന്‍ ആവശ്യപ്പെട്ടത്. എന്നാല്‍ ജീവനക്കാരാരും ഇവ ദുരുപയോഗം ചെയ്തതായി കണ്ടെത്തിയിട്ടില്ല. എങ്കിലും ഉപയോക്താക്കളുടെ സ്വകാര്യത സംരക്ഷിക്കുന്നതിന്റെ ഭാഗമായാണ് പാസ് വേര്‍ഡ് മാറ്റണമെന്ന് ട്വിറ്റര്‍ ആവശ്യപ്പെട്ടിരിക്കുന്നത്.ട്വിറ്റര്‍ സപ്പോര്‍ട്ട് പേജിലൂടെയാണ് ഇക്കാര്യം കമ്പനി ആവശ്യപ്പെട്ടത്.എത്ര പാസ്‌വേര്‍ഡുകളെയാണ് ഇത് ബാധിച്ചിരിക്കുന്നത് എന്ന് കമ്പനിയുടെ ബ്ലോഗില്‍ വ്യക്തമാക്കിയിട്ടില്ല. എന്നാല്‍ നിരവധി പാസ്‌വേര്‍ഡുകള്‍ ചോര്‍ന്നിട്ടുണ്ടെന്നും സംഭവം നടന്നിട്ട് നിരവധി മാസങ്ങള്‍ കഴിഞ്ഞുവെന്നും കമ്പനിയോടടുത്ത വൃത്തങ്ങള്‍ അറിയിച്ചു. ആഴ്ചകള്‍ക്ക് മുമ്പാണ് പ്രശ്‌നം ട്വിറ്റര്‍ കണ്ടെത്തിയത്. സംഭവത്തില്‍ ട്വിറ്റര്‍ ക്ഷമചോദിച്ചു.
Subscribe to News60 :https://goo.gl/VnRyuF
Read: http://www.news60.in/
https://www.facebook.com/news60ml/

Twitter urges all users to change passwords after glitch.