ഹൈദരാബാദ് വിളിക്കുന്നു...മീനുകള്‍ റെഡിയാണേ!

ലോകപ്രശസ്തമായ മത്സ്യചികിത്സ ഹൈദരാബാദില്‍ ആരംഭിച്ചു


എല്ലാ വർഷവും ആസ്‌ത്‌മ രോഗശമനത്തിനായി നടക്കുന്ന ലോകപ്രശസ്തമായ മത്സ്യചികിത്സ ഹൈദരാബാദില്‍ ആരംഭിച്ചു
ഹൈദരാബാദിലെ നാമ്പള്ളിക്കടുത്ത എക്സിബിഷൻ ഗ്രൗണ്ടിലാണ് മൃഗസിരാ കാർത്തിക ദിവസമായ വെള്ളിയാഴ്ച വിശേഷാൽപൂജകൾക്കുശേഷമാണ് ചികിത്സയാരംഭിക്കുക. ശനിയാഴ്ച രാവിലെ ഒമ്പതിന് അവസാനിക്കും.
പരമ്പരാഗതമായ ഈ മത്സ്യചികിത്സ കഴിഞ്ഞ 174 വർഷങ്ങളായി ഹൈദരാബാദിൽ നടത്തിവരുന്നുണ്ട്. തെലങ്കാന ഫിഷറീസ് വകുപ്പ് 1.32 ലക്ഷം ചെറിയ മീനുകളെ സംസ്ഥാനത്തിന്റെ വിവിധ തടാകങ്ങളിൽനിന്നുമായെത്തിച്ചിട്ടുണ്ട്.
1845-ലാണ് 100 പേർക്കായി മത്സ്യചികിത്സ തുടങ്ങിയതെന്നും പിന്നീട് എല്ലാ വർഷവും തന്റെ കുടുംബക്കാർ ഇത് തുടർന്നുപോരുകയാണെന്നും ഇതിനു നേതൃത്വംനൽകുന്ന ബത്തിനി കുടുംബത്തിലെ അംഗങ്ങൾ പറയുന്നു.
ഫിഷറീസ് മന്ത്രി തലസാനി ശ്രീനിവാസ യാദവ് വ്യാഴാഴ്ച സ്ഥലത്തെത്തി സജ്ജീകരണങ്ങൾ പരിശോധിച്ചു.തെലങ്കാന, ആന്ധ്രാപ്രദേശ് എന്നീ പ്രദേശങ്ങൾക്കുപുറമേ അയൽസംസ്ഥാനങ്ങളിൽനിന്നും വടക്കുകിഴക്കൻ സംസ്ഥാനങ്ങളിൽനിന്നും രോഗികൾ എത്തിയിട്ടുണ്ട്. കൂടാതെ ശ്രീലങ്ക, നേപ്പാൾ, മലേഷ്യ തുടങ്ങിയ രാജ്യങ്ങളിൽനിന്നും ആളുകളെത്താറുണ്ട്.സുരക്ഷാ ക്രമീകരണങ്ങൾക്കായി 1500 പേരെ സിറ്റി പോലീസ് നിയോഗിച്ചിട്ടുണ്ട്.

Subscribe to News60 :https://goo.gl/VnRyuF
Read: http://www.news60.in/
https://www.facebook.com/news60ml/

HYDERABAD FISH TREATMENT FOR ASTHMA.