ടിക്കറ്റ് വേണ്ടാ...കാര്‍ഡ് മതി

ആനവണ്ടിയില്‍ സഞ്ചരിക്കാന്‍ ടിക്കറ്റിനു പകരംപുതിയ സ്മാര്‍ട്ട് കാര്‍ഡുകള്‍ വരുന്നു.



ടിക്കറ്റ് എടുക്കാതെ ഒരു കെ.എസ്.ആര്‍.ടി.സി യാത്ര ആയാലോ? ആനവണ്ടിയില്‍ സഞ്ചരിക്കാന്‍ ടിക്കറ്റിനു പകരംപുതിയ സ്മാര്‍ട്ട് കാര്‍ഡുകള്‍ വരുന്നു.മൊബൈല്‍ സിം റീ ചാര്‍ജ് ചെയ്യുമ്പോലെ റീ ചാര്‍ജ് ചെയ്യാവുന്ന എ.ടി.എം കാര്‍ഡിന്റെ വലിപ്പത്തിലുള്ള കാര്‍ഡ് ആണ് കെ.എസ്.ആര്‍.ടി.സിയുടെ സ്മാര്‍ട്ട്‌ കാര്‍ഡ് .യാത്ര ചെയ്യുന്നതിനനുസരിച്ച് കാര്‍ഡിലെ പണംതീരും. 1000, 2000 രൂപയുടെ സ്മാര്‍ട്ട് കാര്‍ഡാണ് ഇറക്കുന്നത്. കാര്‍ഡ് കണ്ടക്ടറുടെ ടിക്കറ്റ് മെഷീനില്‍ ഉരയ്ക്കുമ്പോള്‍ യാത്ര ചെയ്യേണ്ട ദൂരത്തിനു വേണ്ട പണം ഈടാക്കപ്പെടും.
ഓര്‍ഡിനറി ബസിലും സൂപ്പര്‍ഫാസ്റ്റിലുമൊക്കെ സ്മാര്‍ട്ട് കാര്‍ഡുമായി യാത്ര ചെയ്യാം.സെന്‍ട്രല്‍ ഇന്‍സ്റ്റിറ്റിയൂട്ട് ഒഫ് റോഡ് ട്രാന്‍സ്‌പോര്‍ട്ടാണ് പദ്ധതിക്കുള്ള സാങ്കേതിക സഹായം നല്‍കുന്നത്.പദ്ധതി നടപ്പിലാക്കുന്നതിനു മുന്നോടിയായി കോര്‍പറേഷന്റെ കമ്പ്യൂട്ടര്‍ സംവിധാനം പരിഷ്‌കരിക്കും. ഇപ്പോഴത്തെ ടിക്കറ്റ് മെഷീനുകളുടെ സ്ഥാനത്ത് പുതിയത് വരും.
കാര്‍ഡ് റീ ചാര്‍ജ് എല്ലാ ഡിപ്പോയില്‍ നിന്നും ചെയ്യാം. കാശ് തീര്‍ന്നാല്‍ കണ്ടക്ടര്‍ റീ ചാര്‍ജ് ചെയ്തു നല്‍കും.

Subscribe to News60 :https://goo.gl/VnRyuF
Read: http://www.news60.in/
https://www.facebook.com/news60ml/

smart cards replacing ticket in ksrtc.