ട്രെക്കിങ്ങിന് പോകാം! പക്ഷെ...

വനപാതകളില്‍ ട്രെക്കിങ്ങിന് അനുമതി നല്‍കിയിട്ടുള്ള ഇടങ്ങളിലൂടെ മാത്രമേ സഞ്ചരിക്കാവൂ

സാഹസികത ഇഷ്ടപ്പെടുന്നവർ ആദ്യം തിരഞ്ഞെടുക്കുന്ന കാര്യമാണ് ട്രക്കിങ് . ട്രക്കിങ്ങിനു പോകുമ്പോൾ തീർച്ചയായും നിങ്ങൾ ശ്രദ്ധിക്കേണ്ട ചിലതുണ്ട്.
വനമേഖലകളാണ് പലപ്പോഴും ട്രെക്കിങ്ങിന് തെരഞ്ഞെടുക്കുക. പരിചയമില്ലാത്ത പ്രദേശത്തുകൂടിയുള്ള ഈ യാത്ര വേണ്ടത്ര മുൻ കരുതലോടെ ആയിരിക്കണം. ട്രെക്കിങ്ങിന് തെരഞ്ഞെടുക്കുന്ന സ്ഥലത്തിന്‍റെ വിശദാംശങ്ങള്‍ പൂര്‍ണമായും ശേഖരിക്കണം. അവിടെ എത്തിപ്പെട്ടാല്‍ പുറത്തേക്ക് പോകാനുള്ള എല്ലാ വഴികളെക്കുറിച്ചും അറിവ് നേടണം. വനപാതകളില്‍ ട്രെക്കിങ്ങിന് അനുമതി നല്‍കിയിട്ടുള്ള ഇടങ്ങളിലൂടെ മാത്രമേ സഞ്ചരിക്കാവൂ.ട്രക്കിങ്ങിനു പോകുമ്പോള് ഒന്നോ രണ്ടോ മികച്ച ഗൈഡുകള്‍ നിങ്ങൾക്കൊപ്പമുണ്ടായിരിക്കുമെന്ന് ഉറപ്പുവരുത്തണം.
ജി പി എസ് വഴി നിങ്ങള്‍ ഏത് വഴിയാണ് സഞ്ചരിക്കുന്നതെന്ന് വനം‌വകുപ്പിന് കൃത്യമായി കണ്ടെത്താനുള്ള സംവിധാനം ഒരുക്കണം. നിങ്ങളുടെ സഞ്ചാരപാതകളുടെ ജി പി എസ് ട്രാക്കിംഗ് വനം‌വകുപ്പിനെ കൂടാതെ നിങ്ങളുടെ അടുത്ത ബന്ധുക്കള്‍ക്കും കൂട്ടുകാര്‍ക്കും ഷെയര്‍ ചെയ്യണം.അവശ്യം വേണ്ട കുടിവെള്ളം, മരുന്നുകള്‍ എന്നിവ തീര്‍ച്ചയായും കരുതിയിരിക്കണം. അധികം ഭാരമുള്ള വസ്തുക്കളോ വിലകൂടിയ സാധനങ്ങളോ ആഭരണങ്ങളോ ഒന്നും ട്രെക്കിങ്ങിന് പോകുമ്ബോള്‍ കൊണ്ടുപോകാന്‍ പാടില്ല. മുട്ടറ്റം വരുന്ന ഷൂ ഉപയോഗിക്കാനും കൈയുറകള്‍ ധരിക്കാനും ശ്രദ്ധിക്കണം.വനത്തിലൂടെയാണ് ട്രെക്കിങ്ങെങ്കില്‍ വന്യമൃഗങ്ങള്‍ക്ക് ശല്യമുണ്ടാക്കുന്ന ഒരു പ്രവര്‍ത്തിയും നമ്മുടെ ഭാഗത്തുനിന്നുണ്ടാകാന്‍ പാടില്ല. വിസില്‍ മുഴക്കുക, വാദ്യോപകരണങ്ങള്‍ ഉപയോഗിക്കുക എന്നതൊക്കെ ഒഴിവാക്കണം. സിഗരറ്റ് വലിക്കുകയോ മദ്യപിക്കുകയോ ചെയ്യരുത്. ക്യാമറ കൈവശം കരുതിയിട്ടുള്ളവര്‍ വന്യമൃഗങ്ങളുടെ ചിത്രമെടുക്കുമ്ബോള്‍ ഫ്ലാഷ് പ്രവര്‍ത്തിപ്പിക്കാതിരിക്കാന്‍ ശ്രദ്ധിക്കുക. വന്യമൃഗങ്ങളുടെ ശ്രദ്ധയാകര്‍ഷിക്കുന്ന തരത്തിലുള്ള നിറങ്ങളുള്ള വസ്ത്രങ്ങള്‍ ധരിക്കരുത്.പെട്ടെന്ന് വന്യമൃഗങ്ങളുടെ ആക്രമണമുണ്ടായാല്‍ അതിനെ പ്രതിരോധിക്കാനുള്ള അത്യാവശ്യം ആയുധങ്ങള്‍ കൈവശം കരുതണം. ഗൈഡിന്‍റെ പക്കലും അത്തരം ആയുധങ്ങളുണ്ടെന്ന് ഉറപ്പുവരുത്തണം.Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

Things.