വിമാനങ്ങളുടെ ശവപ്പറമ്പ് !


അമേരിക്കയിലെ അരിസോണ, വിമാനങ്ങളുടെ ശവപ്പറമ്പ് എന്നാണ്‌ അറിയപ്പെടുന്നത്.


വിമാനങ്ങള്‍ക്കും ശവപ്പറമ്പ്..അമേരിക്കയിലെ അരിസോണ അറിയപ്പെടുന്നത് ഈ പേരിലാണ്. ഉപയോഗം കഴിഞ്ഞവിമാനങ്ങള്‍ സൂക്ഷിക്കുന്നതിനും നന്നാക്കുന്നതിനും ആവശ്യമുള്ള ഭാഗങ്ങള്‍ പുനരുപയോഗിക്കുന്നതിനും വേണ്ടി കൊണ്ടുപോയി സൂക്ഷിക്കുന്ന സ്ഥലങ്ങളില്‍ ലോകത്തിലെ തന്നെ ഏറ്റവും വലിയ മരുഭൂമിയാണ് അരിസോണ. ബോണ്‍യാഡ്‌ എന്നാണ് ഇതിന്റെ ഔദ്യോഗിക നാമം. 27000 ഏക്കര്‍ സ്ഥലത്ത്‌ അരിസോണയിലെ മരുഭൂമിയില്‍ അതങ്ങനെ പരന്നുകിടക്കുന്നു.അയ്യായിരത്തിലേറെ വിമാനങ്ങളാണ് അവസാന പറക്കലിനുശേഷം ഇവിടെ നിര്‍ത്തിയിട്ടിരിക്കുന്നത്.ഒരുകാലത്ത് അമേരിക്കയ്ക്കു വേണ്ടി വിവിധ യുദ്ധമുഖങ്ങളില്‍ ചീറി പാഞ്ഞിരുന്ന പോര്‍വിമാനങ്ങളാണ് പ്രായാധിക്യത്താല്‍ മരുഭൂമിയിലേക്ക് വലിച്ചെറിയപ്പെട്ടിരിക്കുന്നത്.ആണവായുധശേഷിയുള്ള ബി 52 ബോംബര്‍ വിമാനങ്ങള്‍ വരെ അരിസോണയിലെ വ്യോമതാവളത്തില്‍ കഴിയുന്നു.രണ്ടാം ലോകമഹായുദ്ധാനന്തരം 1946ലാണ് ഇവിടെയ്ക്ക് വിമാനങ്ങള്‍ എത്തിച്ചു തുടങ്ങിയത്.വിമാനങ്ങളുടെ ശവപറമ്പായി ഇവിടം തന്നെ തെരഞ്ഞെടുക്കാന്‍ ഒരു കാരണമുണ്ട്. താഴ്ന്ന ഈര്‍പ്പവും സമുദ്രനിരപ്പില്‍ നിന്നും ഉയര്‍ന്ന സ്ഥാനവും ഉപ്പുരസമുള്ള മണ്ണുമൊക്കെയാണ് ആ കാരണങ്ങള്‍.പൊതുവേ ജീവനക്കാര്‍ക്കുമാത്രം പ്രവേശനമുള്ള ഇവിടെ ഒന്നര മണിക്കൂര്‍ നീളുന്ന ബസ് യാത്രയില്‍ വിനോദ സഞ്ചാരികളും എത്തുന്നുണ്ട്.


Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

arizona: land of waste planes.