Vidഹെല്‍മെറ്റില്ലാതെ വാഹനമോടിക്കുന്നവരെ പിടിക്കാന്‍ കാലന്‍ !

ഹെല്‍മെറ്റില്ലാതെ വാഹനമോടിക്കുന്നവരെ ബോധവത്ക്കരിക്കാനായി കാലനെ ഇറക്കി ബംഗളൂരു പൊലീസ്

ഹെല്‍മെറ്റില്ലാതെ വാഹനമോടിക്കുന്നവരെ ബോധവത്ക്കരിക്കാനായി കാലനെ ഇറക്കി ബംഗളൂരുവിലെ ട്രാഫിക് പൊലീസ്. ഹെല്‍മെറ്റില്ലാതെ ഇരുചക്ര വാഹനമോടിക്കുന്നവര്‍ക്കും ഗതാഗത നിയമങ്ങള്‍ ലംഘിക്കുന്നവര്‍ക്കുമെല്ലാം ബോധവത്ക്കരിക്കുക എന്നാ ലക്ഷ്യത്തോടെയാണ് കാലനെ അഥവാ യമരാജനെ ബംഗളൂരുവിലെ ഹാലസുരു ഗേറ്റ് ട്രാഫിക് പൊലീസ് ഇറക്കിയിരിക്കുന്നത്. യമന്റെ പരമ്പരാഗത വസ്ത്രമൊക്കെ ധരിച്ച് കയ്യില്‍ ആയുധവുമായിട്ടാണ് ഇദ്ദേഹം ആളുകളെ ബോധവത്കരിക്കാന്‍ റോഡില്‍ ഇറങ്ങിയിരിക്കുന്നത്. റോഡില്‍ മാത്രമല്ല ബോധവത്ക്കരണ സന്ദേശവുമായി ഇദ്ദേഹം ബംഗളൂരു നഗരത്തിലെ വീടുകളിലുമെത്താറുണ്ട്.
തിയറ്റര്‍ ആര്‍ട്ടിസ്റ്റായ വീരേഷ് ആണ് യമരാജനായി വേഷമിട്ടിരിക്കുന്നത്.ജൂലൈ മാസം ബംഗളൂരുവില്‍ റോഡ് സുരക്ഷാ മാസമായിട്ടാണ് ആചരിക്കുന്നത്. ഇതിന്റെ ഭാഗമായി സ്കൂളുകളിലും കോളേജുകളിലും ക്ലാസുകള്‍, തെരുവ് നാടകങ്ങള്‍ എന്നിവയും നടത്തുന്നുണ്ടെന്ന് ട്രാഫിക് പൊലീസ് കമ്മീഷണര്‍ അനുപം അഗര്‍വാള്‍ പറഞ്ഞു. അപകടങ്ങള്‍ കുറയ്ക്കുകയാണ് ഇത്തരം ബോധവത്കരണങ്ങളിലൂടെ ലക്ഷ്യമിടുന്നതെന്നും കമ്മീഷണര്‍ കൂട്ടിച്ചേര്‍ത്തു.

Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

bengluru police use yema to warn motorists against violations.