ബിഎംഡബ്ല്യു പുതിയ മോഡല്‍ ഇന്ത്യന്‍ വിപണിയില്‍

2018 ബിഎംഡബ്ല്യു 3 സീരീസ് ഗ്രാന്‍ ടൂറിസ്‌മോ സ്‌പോര്‍ടിനെ ജര്‍മ്മന്‍ നിര്‍മ്മാതാക്കള്‍ ഇന്ത്യയില്‍ വില്‍പനയ്ക്ക് എത്തിച്ചു


46.6 ലക്ഷം രൂപ വിലയിലാണ് പുതിയ ബിഎംഡബ്ല്യു 320d ഗ്രാന്‍ ടൂറിസ്‌മോ സ്‌പോര്‍ട് വിപണിയില്‍ പുറത്തിറക്കിയിരിക്കുന്നത്.ഡീസല്‍ പതിപ്പില്‍ മാത്രമെ മോഡല്‍ ലഭ്യമാവുകയുള്ളു.അതേസമയം ഇടത്തരം ലക്ഷ്വറി ലൈനിനെക്കാളും 2.6 ലക്ഷം രൂപ 3 സീരീസ് GT സ്‌പോര്‍ടിന് കുറവുണ്ട്. 49.20 ലക്ഷം രൂപയാണ് 3 സീരീസ് GT ലക്ഷ്വറി ലൈനിന് വില. ഏറ്റവും ഉയര്‍ന്ന എം സ്‌പോര്‍ടിന് 51.20 ലക്ഷം രൂപയാണ് എക്‌സ്‌ഷോറൂം വില.ലക്ഷ്വറി ലൈന്‍ വകഭേദത്തിലുള്ള 2.0 ലിറ്റര്‍ ഡീസല്‍ എഞ്ചിന്‍ തന്നെയാണ് GT സ്‌പോര്‍ടിലും. 3 സീരീസ് GT സ്‌പോര്‍ടിലുള്ള 2.0 ലിറ്റര്‍ നാലു സിലിണ്ടര്‍ ഡീസല്‍ എഞ്ചിന് 190 bhp കരുത്തും 400 Nm torque ഉം പരമാവധി സൃഷ്ടിക്കാനാവും. എട്ടു സ്പീഡ് സെറ്റെപ്‌ട്രോണിക് സ്‌പോര്‍ട് ഓട്ടോമാറ്റിക് ഗിയര്‍ബോക്‌സ് മുഖേനയാണ് എഞ്ചിന്‍ കരുത്ത് പിന്‍ ചക്രങ്ങളിലേക്ക് എത്തുക. പാഡില്‍ ഷിഫ്റ്ററുകള്‍, 8.8 ഇഞ്ച് ടച്ച്‌സ്‌ക്രീന്‍ ഇന്‍ഫോടെയ്ന്‍മെന്റ് സംവിധാനം, പാര്‍ക്കിംഗ് സെന്‍സറുകള്‍, ക്യാമറകള്‍, എയര്‍ബാഗുകള്‍ എന്നിവ ഉള്ളിലെ സവിശേഷതകളില്‍പ്പെടും.


Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

bmw 3 series gt sport launched in india.