ഒട്ടുമിക്ക മൊബൈല്‍ ഫോണുകളിലും സര്‍വ്വസാധാരണമായുള്ള ബ്ലൂടൂത്ത് സംവിധാനത്തില്‍ വന്‍ സുരക്ഷാ വീഴ്ച കണ്ടെത്തി. രസ്പരം ബന്ധിപ്പിക്കപ്പെട്ട രണ്ട് ഉപകരണങ്ങള്‍ക്കിടയിലേക്ക് നുഴഞ്ഞു കയറാന്‍ മറ്റൊരാള്‍ക്ക് സാധിക്കും വിധമുള്ള സുരക്ഷാ വീഴ്ചയാണിത്. ഇതുവഴി ബ്ലൂടൂത്ത് വഴിയുള്ള വിവര കൈമാറ്റം നിരീക്ഷിക്കാന്‍ മറ്റൊരാള്‍ക്ക് സാധിക്കുന്നു.കംപ്യൂട്ടര്‍, ഫോണ്‍ പോലെ രണ്ട് ബ്ലൂടൂത്ത് ഉപകരണങ്ങള്‍ തമ്മില്‍ ബന്ധിപ്പിക്കുമ്പോള്‍ അവ തമ്മില്‍ എന്‍ക്രിപ്ഷന്‍ കീ കള്‍ കൈമാറ്റം ചെയ്യപ്പെടുന്നുണ്ട്. എന്നാല്‍ ഈ കീകള്‍ ശരിയായി സ്ഥിരീകരിക്കപ്പെടുന്നില്ലെന്ന് ഇസ്രായേലി ഗവേഷകര്‍ പറയുന്നു. ബ്ലൂടൂത്ത് സംവിധാനത്തിലെ ഈ പ്രശ്‌നം പരിഹരിക്കുന്നതിന് ബ്ലൂടൂത്ത് എസ്‌ഐജി ഒരുപുതിയ അപ്‌ഡേറ്റ് അവതരിപ്പിച്ചിട്ടുണ്ട്. എന്‍ക്രിപ്ഷന്‍ കീയുമായി ബന്ധപ്പെട്ടുള്ള നടപടി ക്രമങ്ങള്‍ക്കിടെ അവയുടെ സ്ഥിരീകരണം നിര്‍ബന്ധമാക്കും വിധമാണ് പുതിയ അപ്‌ഡേറ്റ്. ബ്ലൂടൂത്തിലെ ഈ പിഴ ദുരുപയോഗം ചെയ്യപ്പെട്ടതായി ഇതുവരെ കണ്ടെത്തിയിട്ടില്ല.
Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

bluetooth technical error found.