എന്താണ് ഫാന്റം നോട്ടിഫിക്കേഷന്‍ സിന്‍ഡ്രോം?



ആളുകള്‍ ഫോണിന് അടിമപ്പെട്ടിട്ടുണ്ടെന്നതിന്റെ പ്രധാന ലക്ഷണങ്ങളിലൊന്നാണിത്.



ഫോണില്‍ നോട്ടിഫിക്കേഷനുകളൊന്നും വരാത്തപ്പോഴും തന്റെ ഫോണില്‍ നോട്ടിഫിക്കേഷന്‍ വന്നിട്ടുണ്ടെന്നുള്ള തോന്നല്‍ ആണ് ഫാന്റം നോട്ടിഫിക്കേഷന്‍ സിന്‍ഡ്രോം. ഫാന്റം റിങിങ് സിന്‍ഡ്രോം, ഫാന്റം വൈബ്രേഷന്‍ സിന്‍ഡ്രോം എന്നെല്ലാമുള്ള പേരുകളില്‍ ഈ തോന്നല്‍ അറിയപ്പെടുന്നു. ആളുകള്‍ ഫോണിന് അടിമപ്പെട്ടിട്ടുണ്ടെന്നതിന്റെ പ്രധാന ലക്ഷണങ്ങളിലൊന്നാണിത്. വ്യക്തമായി നിര്‍വചിക്കപ്പെട്ട ഒരു കാരണവും ഫാന്റം വൈബ്രേഷന്‍ സിന്‍ഡ്രോമിനില്ല. സാങ്കേതിക വിദ്യയോടുള്ള അമിതമായ സാമീപ്യമാണ് സമാനമായ തോന്നലുകള്‍ക്ക് കാരണമാകുന്നത്.തലച്ചോറിലെ ചില സിഗ്നല്‍ വ്യതിയാനങ്ങളാണ് ഇതിന് പിന്നിലെന്ന അനുമാനങ്ങള്‍ ചില ഗവേഷകര്‍ മുന്നോട്ട് വെക്കുന്നു. ഭൂരിഭാഗം പഠനങ്ങളിലും മൊബൈല്‍ ഫോണ്‍ ഉപയോക്താക്കളിലാണ് ഫാന്റം വൈബ്രേഷന്‍/നോട്ടിഫിക്കേഷന്‍/റിങിങ് സിന്‍ഡ്രോം കണ്ടെത്തിയിട്ടുള്ളത്. ഫാന്റം വൈബ്രേഷന്‍ സിന്‍ഡ്രോം കൈകാര്യം ചെയ്യുന്നതിനുള്ള അധിക പഠനങ്ങളൊന്നും നടന്നിട്ടില്ല. ഫോണ്‍ ഉപയോഗിക്കുമ്പോള്‍ കൂടുതല്‍ ശ്രദ്ധിക്കുക എന്നുള്ളതാണ് പ്രാഥമികമായി ചെയ്യാന്‍ കഴിയുന്നത്.
Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

phantom vibration syndrom.