ആഹാരം കഴിക്കുന്ന സമയവും അര്‍ബുദവും തമ്മില്‍ ബന്ധമുണ്ട്



ഭക്ഷണസമയം വൈകുമ്പോൾ രോഗസാധ്യത കൂടുന്നു

ആഹാരം കഴിക്കുന്ന സമയവും അര്‍ബുദവും തമ്മില്‍ ബന്ധമുണ്ട് എന്ന് പഠനം.രാത്രി ഒൻപതു മണിക്കു മുൻപോ കിടക്കുന്നതിനു രണ്ടു മണിക്കൂർ മുൻപോ അത്താഴം കഴിക്കുന്നവർക്ക് സ്താനാർബുദവും പ്രോസ്റ്റേറ്റ് അർബുദവും വരാനുള്ള സാധ്യത കുറയുമെന്ന് ഗവേഷകര്‍. ലോകത്ത് വളരെ സാധാരണമായി കണ്ടു വരുന്ന രണ്ട് അർബുദങ്ങളാണ് സ്താനാർബുദവും പ്രോസ്റ്റേറ്റ് അർബുദവും. സ്പെയിനിലെ ബാഴ്സലോണ ഇൻസ്റ്റിറ്റ്യൂട്ട് ഫോർ ഗ്ലോബൽ ഹെൽത്തിലെ ഗവേഷകരാണ് പഠനം നടത്തിയത്.ദിവസവും ഉള്ള ഭക്ഷണ രീതി,ഉറക്കശീലം എന്നിവയ്ക്ക് അർബുദസാധ്യതയുമായി ബന്ധമുണ്ടെന്നു കണ്ടെത്തി.ദിവസവും ഒരേ സമയത്തും ചിട്ടയായും ഭക്ഷണം കഴിക്കുന്നവർക്ക് അർബുദം വരാൻ സാധ്യത കുറവാണെന്നു കണ്ടു. ഭക്ഷണം വളരെ വൈകി മാത്രം കഴിക്കുന്നവർ ആ ശീലം മാറ്റണമെന്നും ഗവേഷകർ പറയുന്നു. ഒരു വ്യക്തിയുടെ ജൈവഘടികാരം അയാളുടെ ഭക്ഷണശീലവും രോഗസാധ്യതയുമായും ബന്ധപ്പെട്ടിരിക്കുന്നുവെന്നും പഠനം പറയുന്നു.

Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

relation between food timings and cancer.