ബജാജ് ചേതക് തിരിച്ചെത്തുന്നു


അടുത്ത വർഷം ചേതക് ഇന്ത്യയിൽ എത്തുമെന്ന് റിപ്പോര്‍ട്ട്


125 സിസി നിരയില്‍ ചേതക്കിനെ അവതരിപ്പിക്കാനാണ് ബജാജിന് താത്പര്യം. പോരാട്ടം നിറഞ്ഞ 125 സിസി ശ്രേണിയില്‍ റെട്രോ ക്ലാസിക് സ്‌കൂട്ടറില്ലെന്നതു തന്നെ കാരണം. 70,000 രൂപയോളം സ്‌കൂട്ടറിന് വില പ്രതീക്ഷിക്കാം.ചേതക്കിന്റെ വൈദ്യുത പതിപ്പിന് രൂപംനല്‍കാനും ബജാജിന് പദ്ധതിയുണ്ട്.'ചേതക് ചിക് ഇലക്ട്രിക്' എന്ന പേരില്‍ 2020 ഓടെ സ്‌കൂട്ടറിന്റെ വൈദ്യുത പതിപ്പ് ഇന്ത്യയില്‍ വരുമെന്ന് റിപ്പോര്‍ട്ടുകള്‍ പറയുന്നു. റെട്രോ ക്ലാസിക് ഭാവം തന്നെയായിരിക്കും പുതിയ ചേതക്കിന്റെ മുഖ്യാകര്‍ഷണം.പഴയ ചേതക്കിലേതു പോലെ ധാരാളം സ്‌റ്റോറേജ് ഇടങ്ങള്‍ പുതിയ ചേതക്കിലുമുണ്ടാകും. 125 സിസി ഒറ്റ സിലിണ്ടര്‍ എയര്‍ കൂള്‍ഡ് എഞ്ചിനായിരിക്കും ചേതക്കിന് ലഭിക്കുക.പൂര്‍ണ ഡിജിറ്റല്‍ സ്പീഡോമീറ്റര്‍, ബ്ലുടൂത്ത് കണക്ടിവിറ്റി, യുഎസ്ബി ചാര്‍ജ്ജിംഗ് പോര്‍ട്ടുകള്‍, കോമ്പി ബ്രേക്ക് സംവിധാനം തുടങ്ങിയ ആധുനിക ഫീച്ചറുകള്‍ മോഡലില്‍ ധാരാളമായി ഒരുങ്ങും. മുന്‍ ഡിസ്‌ക് ബ്രേക്കും ചേതക്കിന് ബജാജ് നല്‍കിയേക്കും.
Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

bajaj chetak coming back to india.