യാത്രാപ്രിയരുടെ വാൽപ്പാറ




തമിഴ്‌നാട്ടിലെ കോയമ്പത്തൂർ ജില്ലയിലെ ഒരു താലൂക്കും ഹിൽസ്റ്റേഷനുമാണ് വാൽപ്പാറ



സമുദ്ര നിരപ്പിൽ നിന്നും 3500 അടി (1,100 മീറ്റർ) ഉയരത്തിൽ പശ്ചിമഘട്ട മലനിരകളിലെ ആനമലൈ കുന്നുകളിലാണ് ഈ ഹിൽസ്റ്റേഷൻ നിലനിൽക്കുന്നത്. അത് കൊണ്ടു തന്നെ വിവിധ സസ്യ, ജന്തു, പക്ഷി വിഭാഗങ്ങൾ കൊണ്ട് സമ്പുഷ്ടമാണ് ഈ പ്രദേശം. സ്ഥിതിചെയ്യുന്നത്. ഭൂരിഭാഗം പ്രദേശങ്ങളും സ്വകാര്യ തോട്ടങ്ങളാണ്. വനഭൂമിയിൽ സന്ദർശകർക്ക് പ്രവേശനമില്ല. കോയമ്പത്തൂരിൽ നിന്ന് 100 കിലോമീറ്ററും പൊള്ളാച്ചിയിൽ നിന്ന് 65 കിലോമീറ്ററുമാണ് ദൂരം. അഴിയാറിൽ നിന്ന് വാൽപ്പാറയിലേയ്ക്കുള്ള റോഡിൽ 40 ഹെയർ പിൻ വളവുകളുണ്ട്. ഏതു കാലാവസ്ഥയിലും സഞ്ചാരികളെ സ്വാഗതം ചെയ്യുന്ന ഇവിടം തീർച്ചയായും സഞ്ചാരികൾ കണ്ടിരിക്കേണ്ട ഒരു ഗ്രാമമാണ്. സഞ്ചാരികളുടെ തിരക്ക് ഒഴിച്ചു നിർത്തിയാല്‍ തികച്ചും ഗ്രാമാന്തരീക്ഷമാണ് ഇവിടുത്തേത്. തേയിലത്തോട്ടങ്ഹളും വന്യജീവികളുടെ സാന്നിധ്യവും വെള്ളച്ചാട്ടവും ഒക്കെയാണ് ഇവിടം സഞ്ചാരികളുടെ പ്രിയപ്പെട്ട ഇടമാക്കുന്നത്., ചെരിഞ്ഞ കുന്നിനു മുകളിൽ അടുക്കുകളായി നിൽക്കുന്ന പല നിറമുള്ള വീടുകൾ. കാലികൾ മേയുന്ന മൈതാനം. ജനം തിങ്ങി നിറഞ്ഞ റോ‍ഡ്. കലപില ഒച്ച വയ്ക്കുന്ന ടാക്സി സ്റ്റാന്റ്. പച്ചക്കറി, പലചരക്ക്, പൂക്കൾ, തുണിക്കട, ചായക്കട, ഇരുമ്പുകട തുടങ്ങിയതെല്ലാം കിട്ടുന്ന അങ്ങാടി ഒക്കെയാണ് വാല്പ്പാരയുടെ സൌന്ദര്യം.ആന, മാന്‍, കാട്ടുപോത്തിന്‍ കൂട്ടങ്ങളെയും സിംഹവാലന്‍ കുരങ്ങുകളെയും വേഴാമ്പല്‍ തുടങ്ങി നിരവധിയിനം പക്ഷികളേയും യാത്രയിലുടനീളം കാണാനാകും. വരയാടിന്‍ കൂട്ടങ്ങളാണ് മറ്റൊരു പ്രധാന ആകര്‍ഷണം



മൂന്നാറിലേത് പോലെ തണുപ്പ് നിറഞ്ഞ കാലാവസ്ഥയും തേയിലത്തോട്ടത്തിലൂടെയുള്ള യാത്രയും അവിസ്മരണീയമാകും.
Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

valpara a tourist destination.