ഓട്ടിസം ബാധിച്ച കുട്ടികളില്‍ സംഗീതം ഗുണം ചെയ്യുമെന്നു പഠനം

പാട്ടു പാടുന്നതും സംഗീതോപകരണങ്ങൾ വായിക്കുന്നതുമെല്ലാം ഓട്ടിസം ബാധിച്ച കുട്ടികളുടെ ആരോഗ്യത്തിന് ഏറെ ഗുണം ചെയ്യുമെന്ന് കണ്ടെത്തല്‍. ഓട്ടിസം ബാധിച്ച, സ്കൂൾ പ്രായമുള്ള കുട്ടികളിൽ സംഗീത ത്തിന്റെ ഇടപെടൽ, അവരുടെ ആശയവിനിമയത്തെയും തല ച്ചോറിന്റെ കണക്റ്റിവിറ്റിയെയും മെച്ചപ്പെടുത്തുന്നുവെന്ന് ഉദെംസ് ഇന്റർനാഷണൽ ലാബോറട്ടറി ഫോർ ബ്രെയ്ൻ, മ്യൂസിക് ആൻഡ് സൗണ്ട് (BRAMS), മക്ഗിൽസ് സ്കൂൾ ഓഫ് കമ്മ്യൂണിക്കേഷൻ സയൻസസ് ആൻഡ് ഡിസോർഡേഴ്സ് (SCSD) എന്നിവിടങ്ങളിലെ ഗവേഷകർ ചേർന്ന് നടത്തിയ ഈ പഠനം പറയുന്നു.ഇതേക്കുറിച്ച് പഠിക്കാൻ ഓട്ടിസം ബാധിച്ച, ആറു മുതൽ പന്ത്രണ്ടു വയസ്സു വരെ പ്രായമുള്ള 51 കുട്ടികളെ തിരഞ്ഞെടുത്ത് ഇവരിൽ സംഗീതവുമായി ബന്ധപ്പെട്ട ക്ലിനിക്കൽ പരീക്ഷണങ്ങൾ മൂന്നുമാസക്കാലം നടത്തുകയായിരുന്നു. കുട്ടിയുടെ സാമൂഹ്യമായ ആശയവിനിമയ നൈപുണ്യത്തെ കുറിച്ചും കുട്ടിയുടെ രോഗലക്ഷണങ്ങൾ എത്രമാത്രം കൂടുതലാണെന്നതിനെക്കുറിച്ചും രക്ഷിതാക്കൾ ഒരു ചോദ്യാവലി പൂരിപ്പിച്ചു നൽകി. തലച്ചോറിന്റെ പ്രവർത്തനം മനസ്സിലാക്കാൻ കുട്ടികളുടെ ഒരു എംആർഐ സ്കാനും എടുത്തു. കുട്ടികളെ രണ്ടു ഗ്രൂപ്പുകളായി തിരിച്ച് ഒരു കൂട്ടരെ സംഗീതവുമായി ബന്ധപ്പെടുത്തി. വെസ്റ്റ് മൗണ്ട് മ്യൂസിക് തെറാപ്പിയും ഇവർക്ക് നൽകി. സംഗീതഗ്രൂപ്പിലെ കുട്ടികൾ പാട്ടു പാടുകയും വിവിധ സംഗീതോപകരണങ്ങൾ വായിക്കുകയും ചെയ്തു. കൺട്രോൾ ഗ്രൂപ്പിനെ അപേക്ഷിച്ച് സംഗീതഗ്രൂപ്പിൽപ്പെട്ട കുട്ടികളുടെ ആശയവിനിമയത്തിനുള്ള കഴിവ് (communication skill) മെച്ചപ്പെട്ടതായി പഠനം പറയുന്നു. പഠനം ട്രാൻസ്‍ലേഷണൽ സൈക്യാട്രി ജേണലിൽ പ്രസിദ്ധീ കരിച്ചിട്ടുമുണ്ട്.
Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

Music therapy may help children with Autism.