സൗത്ത് ഫ്ലോറിഡ ഗവേഷണത്തിന്‌ കലാം ഫെല്ലോഷിപ്പ്

സൗത്ത് ഫ്ലോറിഡ സര്‍വകലാശാലയില്‍ ഗവേഷണംനടത്താന്‍ഇന്ത്യന്‍ വിദ്യാര്‍ഥികള്‍ക്ക് അവസരം.

സൗത്ത് ഫ്ലോറിഡ സര്‍വകലാശാലയില്‍, എ.പി.ജെ. അബ്ദുല്‍ കലാമിന്റെ പേരിലുള്ള ഫെല്ലോഷിപ്പോടെ ഗവേഷണം നടത്താന്‍ ഇന്ത്യന്‍ വിദ്യാര്‍ഥികള്‍ക്ക് അവസരം.സയന്‍സ്, ടെക്‌നോളജി, എന്‍ജിനീയറിങ്, മാത്തമാറ്റിക്‌സ് മേഖലയിലെ ഗവേഷണ താത്പര്യവും മികവുമുണ്ടെങ്കില്‍ നിങ്ങള്‍ക്കും നേടാം ഈ സുവര്‍ണാവസരം. ഇന്ത്യയിന്‍ സര്‍വകലാശാലയില്‍നിന്ന് നേടിയ മാസ്റ്റേഴ്‌സ് ബിരുദമാണ് യോഗ്യത.യൂണിവേഴ്‌സിറ്റി ഓഫ് സൗത്ത് ഫ്ലോറിഡ(യു.എസ്.എഫ്.) വേള്‍ഡ് ആയിരിക്കും തിരഞ്ഞെടുപ്പു നടത്തുക.ഗവേഷണത്തിനു വേണ്ട ട്യൂഷന്‍ഫീസ് നാല് വര്‍ഷം വരെ നല്‍കേണ്ടതില്ല . ഫോള്‍, സ്പ്രിങ് സെമസ്റ്ററുകളില്‍ 8000 ഡോളര്‍ വീതവും സമ്മര്‍ സെമസ്റ്ററില്‍ 6000 ഡോളറും ഉള്‍പ്പടെ 22000 ഡോളര്‍ സ്‌റ്റൈപ്പന്‍ഡായി കിട്ടും. വിമാനയാത്ര, താമസത്തിനുള്ള ചെലവ് എന്നിവ വിദ്യാര്‍ഥി വഹിക്കണം. അപേക്ഷിക്കാന്‍, താല്പര്യം ഉള്ള പ്രോഗ്രാം കണ്ടെത്തിയ ശേഷം ഡിസംബര്‍ ഒന്നിനും ഫെബ്രുവരി 15-നും ഇടയ്ക്ക് യു.എസ്.എഫ്. ഗ്രാേജ്വറ്റ് അഡ്മിഷന്‍ പോര്‍ട്ടല്‍ വഴി പ്രവേശനത്തിന് അപേക്ഷിക്കണം.മാര്‍ച്ച്‌ ഒന്നിനകം എ.പി.ജെ. അബ്ദുല്‍കലാം ഫെല്ലോഷിപ്പിനുള്ള അപേക്ഷ നല്‍കിയിരിക്കണം .

വിവരങ്ങള്‍ക്ക്: http://www.usf.edu/admissions/graduate.
www.usf.edu/world/resources/kalam fellowship.aspx

Kalam Fellowship for South Florida Research.